ایشیا کپ ٹی20 کے گروپ اے میں روایتی حریف پاکستان اور بھارت آج دبئی کے میدان میں آمنے سامنے ہوں گے۔ میچ کو کچھ وقت باقی ہے اور تماشائی اسٹیڈیم میں پہنچنا شروع ہو گئے ہیں۔
شائقین کے انتظار کی گھڑیاں ختم ہونے کو ہیں اور یہ ہائی وولٹیج ٹاکرا پاکستانی وقت کے مطابق شام 7:30 بجے شروع ہوگا۔
𝐀𝐬𝐢𝐚 𝐂𝐮𝐩 𝟐𝟎𝟐𝟓: 𝟔𝐭𝐡 𝐌𝐚𝐭𝐜𝐡
Fans queueing in for India Vs Pakistan at Dubai International Cricket Stadium.
⏱️: 8:00 PM
📍: Dubai#AsiaCup2025 | #INDvsPAK | #AsiaCup | #IndiaVsPakistan pic.twitter.com/lYAVylros0— All India Radio News (@airnewsalerts) September 14, 2025
یہ 6 ماہ کے دوران دوسرا موقع ہے کہ دونوں حریف ٹیمیں ایک دوسرے کے خلاف میدان میں اتریں گی۔ اس سے قبل دونوں کا آمنا سامنا چیمپئنز ٹرافی میں ہوا تھا۔
یہ بھی پڑھیے: ایشیا کپ، پاک بھارت مقابلے سے قبل دبئی پولیس نے اہم ہدایات جاری کردیں
پاکستانی ٹیم نے میچ سے قبل پریکٹس کرنے کے بجائے آرام کو ترجیح دی جب کہ بھارتی کھلاڑیوں نے بھرپور ٹریننگ سیشن میں حصہ لیا۔ دونوں ٹیمیں حالیہ کارکردگی کے لحاظ سے شاندار فارم میں ہیں۔
بھارت نے ایشیا کپ میں متحدہ عرب امارات کو 9 وکٹوں سے شکست دی جبکہ پاکستان چند روز قبل افغانستان اور یو اے ای کو ہرا کر سہ ملکی سیریز اپنے نام کر چکا ہے۔
ایشیا کپ کے اعزاز کی دوڑ میں بھارت اب تک 8 مرتبہ فاتح بن چکا ہے جبکہ پاکستان صرف 2 بار ٹورنامنٹ جیت سکا ہے۔
ایشیا کپ میں اب تک کھیلے گئے 19 میچوں میں بھارت 10 بار کامیاب ہوا، پاکستان نے 6 میچ جیتے جبکہ دیگر مقابلے بے نتیجہ رہے۔ پاکستان نے بھارت کو ایشیا کپ میں آخری مرتبہ 2022 میں شکست دی تھی۔
یہ بھی پڑھیے: ایشیا کپ میں پاک بھارت مقابلہ، کیا بھارتی کرکٹ بورڈ بائیکاٹ کرگیا؟
اس سے قبل پاکستانی بیٹر صائم ایوب نے میڈیا سے گفتگو کرتے ہوئے واضح کیا ہے کہ قومی ٹیم کی توجہ صرف روایتی حریف بھارت کے خلاف میچ پر نہیں بلکہ پورے ایشیا کپ جیتنے پر مرکوز ہے۔
پری میچ پریس کانفرنس میں صائم ایوب نے کہا کہ پاکستان کا مقصد ہر ٹیم کے خلاف بے خوف اور مثبت کرکٹ کھیلنا ہے، ہماری توجہ ایک میچ پر نہیں، بلکہ ٹورنامنٹ جیتنے پر ہے، یہی اس وقت سب سے زیادہ اہم ہے۔
پاک بھارت اہم میچ، ایشیا کپ میں اب تک کس کا پلڑا بھاری ہے؟
ایشیا کپ 2025 کے سب سے بڑے اور سنسنی خیز میچ میں آج بھارت اور پاکستان کی ٹیمیں دبئی انٹرنیشنل کرکٹ اسٹیڈیم میں مدمقابل ہوں گی۔
روایتی حریفوں کے درمیان یہ مقابلہ ہمیشہ کی طرح شائقین کے لیے پرجوش ماحول لے کر آیا ہے اور اس بار دونوں ٹیمیں مضبوط باؤلنگ اٹیک کے ساتھ میدان میں اتریں گی۔
یہ بھی پڑھیے: پاک بھارت ٹاکرا: توجہ صرف ایک میچ پر نہیں بلکہ پورا ٹورنمنٹ جیتنے پر ہے، صائم ایوب
اب تک ایشیا کپ میں دونوں ٹیمیں 19 بار آمنے سامنے آچکی ہیں، جن میں بھارت نے 10 میچ جیتے جبکہ پاکستان نے 6 بار فتح حاصل کی۔ 3 میچز بے نتیجہ رہے۔ دونوں ٹیموں کا آخری ٹکراؤ ایشیا کپ 2022 میں دبئی میں ہوا تھا۔
ایشیا کپ کے اعزاز کی دوڑ میں بھارت اب تک 8 مرتبہ فاتح بن چکا ہے جبکہ پاکستان صرف 2 بار ٹورنمنٹ جیت سکا ہے۔
بھارت نے ایشیا کپ میں متحدہ عرب امارات کو 9 وکٹوں سے شکست دی جبکہ پاکستان چند روز قبل افغانستان اور یو اے ای کو ہرا کر سہ ملکی سیریز اپنے نام کر چکا ہے۔
ممکنہ پلیئنگ الیون
بھارت کی ٹیم میں ابھیشیک شرما، شبھمن گل، سوریہ کمار یادو (کپتان)، سنجو سیمسن (وکٹ کیپر)، تلک ورما، ہاردک پانڈیا، شیوَم دوبے، اکشر پٹیل، جسپریت بمراہ، ورن چکرورتی، کلدیپ یادو کی شمولیت متوقع ہے۔
جبکہ پاکستان کے اسکواڈ میں صاحبزادہ فرحان، صائم ایوب، فخر زمان، محمد حارث (وکٹ کیپر)، سلمان آغا (کپتان)، حسن نواز، شاہین شاہ آفریدی، حارث رؤف، ابرار احمد، صوفیان مقیم ہوسکتے ہیں۔
بھارت کے فاسٹ باؤلر جسپریت بمراہ کو کھیلنے کی کلیئرنس مل گئی ہے جبکہ شریاس ایئر کو اسکواڈ میں شامل نہیں کیا گیا۔ 5 ریزرو کھلاڑی بھی اسٹینڈ بائی پر موجود ہیں۔
یہ بھی پڑھیے: ایشیا کپ: پاک بھارت میچ کے 90 فیصد ٹکٹس فروخت، دبئی میں جنون عروج پر
پاکستان کی جانب سے مینجمنٹ نے بڑا فیصلہ کرتے ہوئے سینیئر کھلاڑی بابر اعظم اور محمد رضوان کو ڈراپ کیا ہے۔ فخر زمان انجری سے صحتیاب ہو چکے ہیں لیکن اسپنر شاداب خان کندھے کی انجری کے باعث ٹورنامنٹ سے باہر ہوگئے ہیں۔
’دنیا کا نمبر ون اسپنر نواز!‘، پاکستانی کوچ کے دعوے پر بھارت کا محتاط ردعمل
ایشیا کپ کے ہائی وولٹیج مقابلے سے پہلے بیانات کی گونج بھی عروج پر ہے۔
پاکستان کے ہیڈ کوچ مائیک ہیسن نے اپنے اسپنر محمد نواز کو ’دنیا کا بہترین اسپنر‘ قرار دے دیا، حالانکہ نواز اس وقت ٹی ٹوئنٹی آئی اسپن بولنگ رینکنگ میں 30ویں نمبر پر ہیں۔
یہ بھی پڑھیں:ایشیا کپ: پاکستان کیخلاف بھارت کی حکمت عملی کیا ہے؟ ریان ٹین ڈوسکاٹے نے بتا دیا
یہ بیان کرکٹ حلقوں میں حیرت اور بحث کا باعث بنا۔
پاکستانی کوچ ہیسن نے پریس کانفرنس میں کہا کہ ہمارے پاس پانچ اسپنرز ہیں، لیکن محمد نواز اس وقت دنیا کے سب سے بہترین اسپنر ہیں، اور پچھلے 6 ماہ میں انہوں نے یہ ثابت بھی کیا ہے۔
جب بھارتی اسسٹنٹ کوچ ریان ٹین ڈوسکاٹے سے اس دعوے پر رائے مانگی گئی تو انہوں نے براہِ راست انکار کے بجائے نہایت متوازن انداز میں جواب دیا۔
انہوں نے کہا کہ ہر کوچ کو حق ہے کہ وہ اپنے کھلاڑیوں کو جہاں چاہے رینک کرے۔ اسپنرز اس ٹورنامنٹ میں اہم کردار ادا کریں گے۔
ان کا کہنا تھا کہ ہمارے پاس ورون، اکشر اور کلدیپ جیسے اسپنرز ہیں، اور ہم جانتے ہیں کہ یہ ہمارے لیے کتنے قیمتی ہیں۔
پاکستان اور بھارت کا روایتی ٹکراؤ محض میدان تک محدود نہیں، بلکہ بیانات کی جنگ بھی شائقین کے جوش و خروش کو بڑھا رہی ہے۔
اب دیکھنا یہ ہے کہ نواز واقعی میدان میں ’دنیا کے بہترین اسپنر‘ ثابت ہوتے ہیں یا یہ صرف کوچ کا حوصلہ بڑھانے والا دعویٰ ہی رہ جائے گا۔
ایشیا کپ: پاکستان کیخلاف بھارت کی حکمت عملی کیا ہے؟ ریان ٹین ڈوسکاٹے نے بتا دیا
ایشیا کپ 2025 کے دوسرے میچ میں بھارت کی ٹیم آج (اتوار کو) پاکستان کے خلاف دبئی انٹرنیشنل کرکٹ اسٹیڈیم میں میدان میں اترے گی۔
یہ میچ اس مقام پر کھیلا جائے گا جہاں بھارت نے اپنے افتتاحی مقابلے میں متحدہ عرب امارات کو محض 58 رنز کا ہدف 4.3 اوورز میں باآسانی حاصل کر کے ریکارڈ فتح حاصل کی تھی۔
یہ بھی پڑھیں:پاک بھارت ٹاکرا: توجہ صرف ایک میچ پر نہیں بلکہ پورا ٹورنمنٹ جیتنے پر ہے، صائم ایوب
بھارتی ٹیم نے اس میچ میں صرف ایک مرکزی فاسٹ بولر جسپریت بمراہ کو شامل کیا تھا جبکہ ہاردک پانڈیا اور شیوام دوبے نے فاسٹ بولنگ کا بوجھ بانٹا۔
دوسری جانب اسپن شعبے میں کلدیپ یادیو، ورون چکرورتی اور اکشر پٹیل کو کھلایا گیا۔
Asia Cup 2025: Boycott India vs Pakistan Cricket match ट्रेंड पर क्या बोले लोग?
देखिए ‘जनता के दिल में क्या है’ @sanket के साथ।#IndiaVsPakistan #BoycottINDvPAK #Dubai #Delhi
Full Video Link https://t.co/x4Cgzab54j pic.twitter.com/S0VpZO4en2
— The Red Mike (@TheRedMike) September 14, 2025
میچ سے قبل پریس کانفرنس میں بھارتی اسسٹنٹ کوچ ریان ٹین ڈوسکاٹے نے عندیہ دیا کہ پاکستان کے خلاف بھی بھارت اسی ٹیم کے ساتھ اتر سکتا ہے۔
ان کا کہنا تھا کہ پہلے میچ سے ہمیں زیادہ معلومات نہیں ملیں اور اس گراؤنڈ پر دیگر میچز بھی کوئی خاص رہنمائی فراہم نہیں کرتے، اس لیے امکانات یہی ہیں کہ ہم بغیر تبدیلی کے کھیلیں۔ ہمیں لگتا ہے کہ پہلے میچ کے لیے منتخب کیا گیا کمبینیشن درست تھا۔
یہ بھی پڑھیں:ایشیا کپ، پاک بھارت مقابلے سے قبل دبئی پولیس نے اہم ہدایات جاری کردیں
انہوں نے مزید کہا کہ بھارتی ٹیم کی حکمت عملی ورسٹائل (متعدد پوزیشنز پر کھیلنے کی صلاحیت رکھنے والے) کھلاڑیوں کو استعمال کرنے پر مبنی ہے۔
ان کے مطابق ہمارے پاس سنجو، اکشر اور ہاردک جیسے کھلاڑی موجود ہیں جو بیٹنگ آرڈر میں مختلف جگہوں پر کھیل سکتے ہیں۔ دبئی کی کنڈیشنز مشکل ہو سکتی ہیں، ایسے میں یہی لچک بھارت کے لیے فائدہ مند ثابت ہوگی۔
یاد رہے کہ بھارت نے پہلے میچ میں شاندار کارکردگی دکھائی تھی جبکہ پاکستان نے اپنے ابتدائی میچ میں عمان کو 93 رنز سے شکست دی تھی۔
پاک بھارت ٹاکرا: توجہ صرف ایک میچ پر نہیں بلکہ پورا ٹورنمنٹ جیتنے پر ہے، صائم ایوب
پاکستانی بیٹر صائم ایوب نے واضح کیا ہے کہ قومی ٹیم کی توجہ صرف روایتی حریف بھارت کے خلاف میچ پر نہیں بلکہ پورے ایشیا کپ جیتنے پر مرکوز ہے۔
پری میچ پریس کانفرنس میں صائم ایوب نے کہا کہ پاکستان کا مقصد ہر ٹیم کے خلاف بے خوف اور مثبت کرکٹ کھیلنا ہے، ہماری توجہ ایک میچ پر نہیں، بلکہ ٹورنامنٹ جیتنے پر ہے، یہی اس وقت سب سے زیادہ اہم ہے۔
انہوں نے کہا کہ ہم یہ نہیں چاہتے کہ کوئی ایک دو ہی پرفارم کریں بلکہ تمام کھلاڑیوں کو اچھی پرفارمنس دینی چاہیے، میچ کے دن ہم پِچ کے کنڈیشنز دیکھتے ہیں، اس بار بھی دیکھ کر فیصلہ کریں گے کہ اسپنرز کھلانے ہیں یا فاسٹ باولرز۔
صائم کا کہنا تھا کہ میچ کھیلتے ہوئے مخالف ٹیم کا ہر باؤلر ایک چیلنج ہوتا ہے لیکن سب سے بڑا چیلنج ٹیم کو میچ جیتانا ہے۔
یہ بھی پڑھیے: ایشیا کپ، پاک بھارت مقابلے سے قبل دبئی پولیس نے اہم ہدایات جاری کردیں
آج اتوار کو دبئی میں پاکستان اور بھارت ایشیا کپ میں اپنے پہلے میچ میں مدمقابل ہوں گے۔ یہ مئی میں دونوں ایٹمی طاقتوں کے درمیان 4 روزہ جنگ کے بعد پہلا کرکٹ مقابلہ ہوگا، جس نے اس میچ کو مزید اہمیت دے دی ہے، جبکہ اس سے قبل بھارت کی جانب سے میچ کا بائیکاٹ کرنے کی خبریں بھی زیر گردش رہیں۔
40 ڈگری کی آگ
ایشیا کپ ٹی ٹوئنٹی 2025 میں آج (اتوار) بھارت اور پاکستان دبئی انٹرنیشنل کرکٹ اسٹیڈیم میں مدِمقابل ہوں گے۔
دونوں ٹیمیں ابتدائی میچز جیت کر شاندار فارم میں پہنچیں ہیں، اس لیے شائقین کو ایک سنسنی خیز مقابلے کی توقع ہے۔
حالیہ کارکردگی
بھارت، جو دفاعی چیمپئن ہے، نے یو اے ای کو آسانی سے 9 وکٹوں سے شکست دی، جبکہ پاکستان نے عمان کو 93 رنز سے ہرایا۔
یہ دونوں ٹیموں کا فروری 2025 کے بعد پہلا ٹاکرا ہے۔ آخری بار 2023 کے ایشیا کپ میں بھارت نے پاکستان کو ریکارڈ 228 رنز سے شکست دی تھی۔
موسم کی صورتحال
دبئی میں آج درجہ حرارت 40 ڈگری تک پہنچنے کی پیش گوئی ہے جبکہ نمی کے باعث ’حقیقی احساس‘ 44 ڈگری جیسا ہوگا۔
یہ بھی پڑھیں:پاکستان بمقابلہ بھارت: 5 پہلوان جو دنگل کا رنگ بدل سکتے ہیں
ہوا میں آلودگی بھی زیادہ ہے اور شام کو بھی گرمی برقرار رہے گی۔ رات کے وقت درجہ حرارت 30 ڈگری کے قریب رہے گا۔ بارش کا کوئی امکان نہیں، اس لیے پورا میچ ہونے کی امید ہے۔
پچ رپورٹ
دبئی کی پچ بیٹسمین اور بالرز دونوں کو موقع دیتی ہے۔ فاسٹ بالرز کو شروعات میں مدد ملتی ہے جبکہ جیسے جیسے پچ سست ہوتی ہے اسپنرز کا کردار بڑھ جاتا ہے۔
یہاں زیادہ تر میچز میں ٹیمیں ٹاس جیت کر پہلے بولنگ کو ترجیح دیتی ہیں کیونکہ ہدف کا تعاقب نسبتاً آسان رہتا ہے۔
اسپنرز کا کردار فیصلہ کن
اس بار بھی اسپن بالنگ اہم ثابت ہو سکتی ہے۔ بھارت کے پاس کلدیپ یادو، ورون چکرورتی اور اکشر پٹیل ہیں، جبکہ پاکستان کے پاس ابرار احمد، صوفیان مقیم اور محمد نواز میدان میں ہوں گے۔
یہ دیکھنا دلچسپ ہوگا کہ دونوں کپتان اپنے اسپنرز کو کس طرح استعمال کرتے ہیں۔
ایک کلاسک مقابلے کی امید
شدید گرمی، مشکل پچ اور اسپنرز کے امتحان کے باوجود، دبئی کے روشن میدان میں آج ایک یادگار بھارت-پاکستان مقابلہ دیکھنے کو مل سکتا ہے۔ شائقین کرکٹ بے صبری سے اس ٹاکرے کے منتظر ہیں۔
پاکستان بمقابلہ بھارت: 5 پہلوان جو دنگل کا رنگ بدل سکتے ہیں
ایشیا کپ 2025 کے سنسنی خیز مقابلے میں بھارت اور پاکستان اتوار کے روز مدِ مقابل ہوں گے۔
دونوں ٹیمیں ایک سال سے زیادہ وقفے کے بعد ٹی ٹوئنٹی انٹرنیشنل میں ٹکرا رہی ہیں، اور اس دوران بہت کچھ بدل چکا ہے۔
یہ بھی پڑھیں:پاک بھارت اہم میچ، ایشیا کپ میں اب تک کس کا پلڑا بھاری ہے؟
بھارت اب سریا کمار یادو کی قیادت میں ایک کامیاب اور فارم میں ٹیم ہے جبکہ پاکستان، سلیمان علی آغا کی کپتانی میں ایک نئی اور جارحانہ حکمتِ عملی کے ساتھ میدان میں اتر رہا ہے۔ اب دیکھنا یہ ہے کہ کون کس پر بھاری پڑے گا۔
شبمن گل بمقابلہ شاہین شاہ آفریدی
یہ پہلی بار ہوگا جب بھارتی نائب کپتان شبمن گل اور پاکستان کے مایہ ناز فاسٹ بالر شاہین شاہ آفریدی ٹی ٹوئنٹی میں آمنے سامنے آئیں گے۔
گل کی بائیں ہاتھ کے فاسٹ بالرز کے خلاف کارکردگی اچھی ہے، مگر شاہین کی سوئنگ اور رفتار اُن کے لیے بڑا امتحان ہوگی۔
جسپریت بمراہ بمقابلہ صائم ایوب
صائم ایوب اپنے ’نو لک سِکس‘ کے لیے مشہور ہیں، لیکن دنیا کے بہترین فاسٹ بالر بمراہ کے سامنے یہ اسٹائل چلے گا یا نہیں؟ بمراہ کی رفتار اور سوئنگ صائم کی اصل آزمائش ثابت ہوگی۔
کلدیپ یادو بمقابلہ فخر زمان
فخر زمان اپنی جارحانہ بیٹنگ کے لیے مشہور ہیں لیکن کلدیپ یادو کی گگلیز کے سامنے اکثر بلے باز بے بس نظر آتے ہیں۔
یہ مقابلہ طے کرے گا کہ پاکستان کی بیٹنگ لائن اپ کہاں کھڑی ہے۔
ابھیشیک شرما بمقابلہ ابرار احمد
ابھیشیک شرما کو حالیہ عرصے میں بھارت کا سب سے خطرناک ٹی ٹوئنٹی بیٹر کہا جا رہا ہے۔ ابرار احمد کو نہایت احتیاط سے بالنگ کرنی ہوگی، ورنہ ابھیشیک اُن پر حاوی ہو سکتے ہیں۔
حسن نواز بمقابلہ ورون چکرورتی
پاکستان کا ابھرتا ہوا اسٹار حسن نواز تیز کھیلنا پسند کرتا ہے، لیکن اسپن کے خلاف اس کا ریکارڈ شاندار نہیں۔ ورون چکرورتی کی جادوئی گیندیں حسن کے لیے دردِ سر ثابت ہو سکتی ہیں۔
میدان کس کے نام ہوگا؟
بھارت اور پاکستان کے درمیان یہ میچ صرف دو ٹیموں کا نہیں بلکہ 5 بڑے معرکوں کا بھی ہے۔ ہر ٹاکرا میچ کا نقشہ بدل سکتا ہے اور شائقین کرکٹ ایک یادگار مقابلہ دیکھنے کے لیے بے تاب ہیں۔
پاکستان سے ہار کا خوف، بھارتی پوجا پاٹ پر اتر آئے
ایشیا کپ 2025 میں آج ہونے والے بھارت اور پاکستان کے بڑے ٹاکرے سے قبل بھارت کے شہر وارانسی میں گنگا کے راجندر پرساد گھاٹ پر خصوصی پوجا اور دعائیں کی گئیں جہاں شائقین نے ٹیم انڈیا کی کامیابی کے لیے دیوی دیوتاؤں سے دعا مانگی۔
گنگا کے کنارے بھارتی شائقین کرکٹ نے ‘ہر ہر مہادیو’ اور ‘بھارت ماتا کی جے’ کے نعرے لگائے اور گنگا آرتی ادا کی، دریائے گنگا میں کھڑے ہو کر دعائیں کیں اور ہاتھوں میں بھارتی کھلاڑیوں کی تصاویر اور قومی پرچم اٹھائے رکھا۔
یہ بھی پڑھیے: انڈیا بمقابلہ پاکستان: پچ رپورٹ نے انڈیا کے ہیڈ کوچ گوتم گمبھیر کی مشکل کیسے آسان کر دی؟
کئی لوگوں نے بھگوان ہنومان کی مورتی کے آگے بھی دعا کی کہ انڈیا کو میچ میں طاقت اور فتح حاصل ہو۔
#WATCH लखनऊ, उत्तर प्रदेश: एशिया कप 2025 में आज भारत बनाम पाकिस्तान मैच से पहले टीम इंडिया की जीत के लिए हवन और पूजा की गई। pic.twitter.com/FiGPZvXS7h
— ANI_HindiNews (@AHindinews) September 14, 2025
یہ میچ ایسے وقت میں کھیلا جا رہا ہے جب محض 5 ماہ قبل 22 اپریل کو مقبوضہ کشمیر کے علاقے پہلگام میں ہونے والے دہشت گرد حملے کے بعد دونوں ممالک کے درمیان کشیدگی عروج کو پہنچی۔
اس پس منظر میں دونوں روایتی حریفوں کے درمیان میچ اور بھی زیادہ سنسنی خیز ہونے کا امکان ہے اور سرحد کے دونوں اطراف کروڑوں لوگ اپنی اپنی ٹیموں کو بہتر پرفارم کرتا دیکھنے کے لیے بےچین ہیں۔
