ایشیا کپ 2025 کے چھٹے میچ میں پاکستان اور بھارت کی ٹیمیں آمنے سامنے ہیں اور شائقین کرکٹ پرجوش ہیں۔
یہ بھی پڑھیں: پاک بھارت اہم میچ، ایشیا کپ میں اب تک کس کا پلڑا بھاری ہے؟
مئی میں ہونے والی پاک بھارت جنگ کے بعد دونوں ٹیمیں پہلی بار کسی میچ میں آمنے سامنے ہیں۔ آج ٹاس کے موقع پر اس وقت دلچسپ صورت حال دیکھنے کو ملی جب قومی ٹیم کے کپتان سلمان علی آغا نے ٹاس جیتنے کے بعد بھارتی کپتان کے ساتھ ہاتھ ملانے سے گریز کیا۔
عام طور پر ٹاس جیتنے والا کپتان اپنے حریف کے ساتھ ہاتھ ملاتا ہے اور پھر اپنی گفتگو کرتا ہے، تاہم سلمان علی آغا ٹاس جیتنے کے بعد سیدھا گفتگو کرنے چلے گئے، بھارتی کپتان سے ہاتھ نہیں ملایا۔
کپتان سلمان علی آغا نے کہاکہ بھارت کے خلاف آج کا میچ جیتنے کے لیے پُرجوش ہیں، آج کے میچ کے لیے پلیئنگ الیون میں کوئی تبدیلی نہیں کی گئی۔
یہ بھی پڑھیں: پلیئنگ الیون میں کوئی تبدیلی نہیں کی، بھارت کے خلاف جیت کے لیے پرجوش ہیں، سلمان علی آغا
ٹاس کے بعد گفتگو کرتے ہوئے سلمان علی آغا کا کہنا تھا کہ حالیہ دنوں میں ہم نے اچھی کرکٹ کھیلی۔ آج بھی تسلسل جاری رکھیں گے۔
