پاکستان انٹرنیشنل ایئر لائنز (پی آئی اے) کو برطانیہ کے لیے تھرڈ کنٹری آپریٹر (TCO) کی باضابطہ منظوری مل گئی ہے، جس کے بعد طیارے براہِ راست پروازیں کرنے کے قابل ہوں گے۔
یہ بھی پڑھیں:برطانوی ہائی کمشنر کا پی آئی اے کے ساتھ یادگار سفر، تجربہ کیسا رہا؟
یہ منظوری نہ صرف مسافروں کی پروازوں کے لیے ہے بلکہ کارگو آپریشنز کے لیے بھی کمپنی کو فعال ہونے کی اجازت دی گئی ہے، اور اسے برطانیہ کی ٹرانسپورٹ ڈپارٹمنٹ نے ’Air Cargo Carrier 3 (ACC3)‘ سند بھی جاری کی ہے، جو آئندہ 5 سال تک معتبر رہے گی۔
میڈیا رپورٹس کے مطابق پی آئی اے اپنی پروازیں اکتوبر سے شروع کرے گی، ابتدا میں منچسٹر کو شامل کیا جائے گا اور بعد میں برمنگھم اور لندن کی فلائٹس کا اضافہ کیا جائے گا۔
