وزیراعظم شہباز شریف اور امریکی صدر ٹرمپ کے درمیان وائٹ ہاؤس کے اوول آفس میں ہونے والی اہم ملاقات ختم ہوگئی۔
ڈیڑھ گھنٹے سے زائد دورانیے کی ملاقات میں فیلڈ مارشل عاصم منیر بھی شریک تھے۔
انتہائی خوشگوار ماحول میں ہوئی ملاقات کے بعد وزیراعظم پاکستان شہباز شریف کا موٹر کیڈ امریکی سیکیورٹی کے حصار میں ہوٹل پہنچا، جہاں پاکستان کا وفد مقیم ہے۔
وزیرِ اعظم محمد شہباز شریف، امریکی صدر ڈونلڈ ٹرمپ اور فیلد مارشل سید عاصم منیر کے مابین وائٹ ہاؤس میں ملاقات شروع ملاقات خوشگوار ماحول میں جاری امریکی نائب صدر جے ڈی وینس اور سیکریٹری آف اسٹیٹ مارکو روبیو بھی ملاقات میں شریک@CMShehbaz @AmirSaeedAbbasi @Nayyer_Aliz @AzazSyed pic.twitter.com/4RwdstlNiN
— Media Talk (@mediatalk922) September 25, 2025
ملاقات سے قبل اوول آفس میں صحافیوں سے گفتگو کرتے ہوئے صدر ڈونلڈ ٹرمپ نے کہا کہ ہمارے پاس عظیم رہنما وائٹ ہاؤس آ رہے ہیں۔ وزیراعظم پاکستان اور فیلڈ مارشل پاکستان آرہے ہیں، فیلڈ مارشل عظیم آدمی ہیں اور وزیراعظم بھی، وہ کچھ دیر میں اس کمرے میں پہنچ رہے ہیں۔
ہمارے پاس عظیم رہ نما وزیراعظم پاکستان اور فیلڈ مارشل پاکستان آرہے ہیں۔ فیلڈ مارشل عظیم آدمی ہیں اور وزیراعظم بھی۔ وہ کچھ دیر میں اس کمرے میں پہنچ رہے ہیں، امریکی صدر ڈونلڈ ٹرمپ کی امریکی اوول آفس میں میڈیا سے گفتگو pic.twitter.com/WPK3vYrd0s
— Asif Alam (@KulAalam) September 25, 2025
وزیرِ اعظم شہباز شریف فیلڈ مارشل سید عاصم منیر کے ہمراہ واشنگٹن پہنچ گئے، صدر ٹرمپ سے اہم ملاقات ہوگی
وزیرِ اعظم محمد شہباز شریف پاکستانی وفد کے ہمراہ امریکا کے دورے پر واشنگٹن ڈی سی پہنچ گئے ہیں، جہاں وہ امریکی صدر ڈونلڈ ٹرمپ سے اہم ملاقات کریں گے۔
اینڈریوز ایئر بیس پر وزیرِ اعظم کا ریڈ کارپٹ استقبال کیا گیا، جہاں امریکی ایئر فورس کے اعلیٰ عہدیدار نے ان کا خیر مقدم کیا۔ وزیرِ اعظم کا موٹرکیڈ سخت سیکیورٹی حصار میں ایئر بیس سے روانہ ہوا اور وائٹ ہاؤس پہنچا۔
عالمی توجہ مرکوز کیے اس اہم ملاقات کے دوران فیلڈ مارشل سید عاصم منیر بھی وزیرِ اعظم شہباز شریف کے ہمراہ ہوں گے۔
وزیراعظم شہباز شریف صدر ٹرمپ سے ملاقات کیلئے واشنگٹن ڈی سی پہنچ گئے.
اینڈریوز ایئر بیس پر ریڈ کارپٹ پر امریکی اعلی عہدیدار نے استقبال کیا. موٹرکیڈ امریکی سیکیورٹی کے حصار میں ایئربیس سے روانہ.
وائٹ ہاؤس میں ٹرمپ سے ملاقات میں فیلڈ مارشل عاصم منیر بھی شریک ہوں گے۔ pic.twitter.com/wgCdNHSNxu— Media Talk (@mediatalk922) September 25, 2025
امریکی حکام کے مطابق، اس ملاقات میں دوطرفہ تعلقات، خطے کی سلامتی، افغانستان کی صورتحال اور تجارتی تعاون پر بات چیت ہوگی۔ یہ ملاقات ایسے وقت میں ہو رہی ہے جب پاکستان اور امریکا کے تعلقات ایک نئے مرحلے میں داخل ہو رہے ہیں۔
مزید پڑھیں: ڈونلڈ ٹرمپ سے ملاقات، ’شہباز شریف میں یہ صلاحیت ہے کہ پہلی ہی ملاقات میں گھل مل جاتے ہیں‘
خطے میں دہشتگردی کے بڑھتے خدشات، افغانستان میں طالبان کی حکومت اور بھارت کے ساتھ کشیدگی اس ملاقات کو مزید اہم بنا رہے ہیں۔
دوسری جانب حکومتی ذرائع کے مطابق وزیرِ اعظم شہباز شریف کی یہ ملاقات عالمی سطح پر پاکستان کے تعلقات کو مزید فروغ دینے میں معاون ثابت ہو سکتی ہے۔
Prime Minister Muhammad Shehbaz Sharif arrives in Washington, D.C. to meet U.S. President Donald Trump. 🇵🇰🫱🏼🫲🏽🇺🇸
He was welcomed with a red-carpet reception at Andrews Air Base and will shortly proceed to the White House, accompanied by Field Marshal Syed Asim Munir. pic.twitter.com/EXPJwb3QjN— Attaullah Tarar (@TararAttaullah) September 25, 2025
یاد رہے کہ وزیرِ اعظم شہباز شریف نے دو روز قبل اقوام متحدہ کی جنرل اسمبلی سیشن کے دوران صدر ٹرمپ سے غیر رسمی ملاقات بھی کی تھی۔ اس موقع پر دونوں رہنماؤں نے گرمجوشی سے مصافحہ کیا اور خوشگوار ماحول میں گفتگو کی تھی، جس میں نائب وزیرِ اعظم و وزیرِ خارجہ اسحاق ڈار بھی شریک تھے۔
