وفاقی کابینہ نے بلوچستان میں فوج تعینات کرنے کی منظوری دے دی ہے جبکہ پنجاب میں رینجرز کو تعینات کرنے کا فیصلہ کیا گیا ہے۔
ذرائع کے مطابق امن و امان کی صورتحال کو برقرار رکھنے کے لیے آرٹیکل 245 کے تحت بلوچستان میں فوج تعینات کرنے کی سمری منظور کی گئی۔
بلوچستان حکومت نے وفاقی حکومت سے سفارش کی تھی کہ صوبے میں فوج تعینات کرنے کی منظوری دی جائے۔
دوسری جانب وفاقی کابینہ نے پنجاب ہھر میں رینجرز تعینات کرنے کی منظوری دی دی ہے۔ پنجاب حکومت کی درخواست پر وفاقی کابینہ نے سرکولیشن سمری کے ذریعے منظوری دی، انسداد دہشت گردی ایکٹ کے تحت پنجاب بھر میں رینجرز تعینات کی جائے گی۔
