چنئی میں اداکار اور سیاستدان جوزف وجے کی پارٹی ’ٹی وی کے‘ کی ریلی کے دوران کرور میں ہجوم کے بے قابو ہونے سے 39 افراد ہلاک ہلاکت کے بعد وِجے کے گھر اور دیگر اہم مقامات پر سیکیورٹی سخت کر دی گئی ہے، کیونکہ حکام کو خدشہ ہے کہ عوامی غصہ ان کی جانب بھی جا سکتا ہے۔
51 سالہ وِجے کی پارٹی ’ٹی وی کے‘ اگلے سال تمل ناڈو اسمبلی انتخابات میں حصہ لینے جا رہی ہے، لیکن کرور ریلی میں حفاظتی ضوابط کی خلاف ورزی کے باعث انسانی جانوں کا نقصان ہوا۔
#Watch | Moments after stampede in Vijay's rally, shocking footage emerges
On Cam: Crowd rush, chaos and choked@anchoramitaw shares more details with @prathibhatweets pic.twitter.com/Sm9UOp6sJ1
— TIMES NOW (@TimesNow) September 28, 2025
حکام کے مطابق ریلی میں پانی اور کھانے کی مناسب سہولیات نہ ہونے کی وجہ سے کئی افراد بے ہوش ہوئے۔
وِجے تقریباً سات گھنٹے تاخیر سے ریلی کے مقام پر پہنچے اور موجودہ بھیڑ میں شامل ہو گئے، جس کے بعد صورتحال مزید کشیدہ ہو گئی۔
یہ بھی پڑھیں:حادثات، ہلاکتیں اور بدنامی: بھارتی فضائیہ کا مگ 21 طیاروں سے جان چھڑانے کا فیصلہ
سرکاری ذرائع کا کہنا ہے کہ لوگ پولیس کی ہدایات کی خلاف ورزی کرتے ہوئے وِجے کے گاڑی کے پیچھے چلتے ہوئے بھیڑ میں شامل ہوئے۔
ریلی کے دوران کچھ افراد گر پڑے، لیکن تقریر جاری رہی اور ایمبولینس کو موقع پر داخل ہونے کی اجازت نہیں دی گئی۔ وِجے بعد میں ٹرچی ایئرپورٹ سے نجی پرواز کے ذریعے چنئی واپس پہنچے۔
30+ died in stampede during Joseph Vijay's political rally in Tamil Nadu.
And this shameless continued his speech even after the ambulance arrived#Karur #KarurTragedy pic.twitter.com/FCPNkQfz08
— Times Trending (@times__trending) September 28, 2025
’ٹی وی کے‘کے ترجمان نے مؤقف اختیار کیا ہے کہ پارٹی نے تمام پولیس ہدایات پر عمل کیا اور وِجے اس حادثے سے شدید متاثر ہیں۔
ریلی کے دوران کے مناظر میں وِجے کو بھیڑ میں پانی کی بوتلیں تقسیم کرتے ہوئے دیکھا گیا۔
وِجے نے اپنے پیغام میں افسوس کا اظہار کرتے ہوئے زخمیوں کی جلد صحت یابی اور ہلاک شدگان کے اہل خانہ کے لیے دعائیں کیں۔
چیف منسٹر کے رہنماایم کے اسٹالن نے زخمیوں اور متاثرہ خاندانوں سے ملاقات کی اور تعزیت کی۔ انہوں نے کہا کہ متاثرہ خاندانوں کے غم میں شریک ہونا سب کے لیے ضروری ہے۔
ریاستی حکومت نے ’ٹی وی کے‘ کے جنرل سیکریٹری این انند، جوائنٹ جنرل سیکریٹری این رمَل کمار اور کرور ویسٹ ضلع سیکریٹری وی پی ماتھیازاگان کے خلاف پولیس مقدمہ درج کیا ہے، جس میں قابل سزا کوتاہی کے الزامات شامل ہیں۔
علاوہ ازیں حکومت نے ریلی کے حوالے سے عدالتی تحقیقات کا بھی حکم دیا ہے، جس کی سربراہی ریٹائرڈ ہائی کورٹ جج کریں گے۔
