پی ایف ایل: کویت اور عراق کے فائٹرز نے فائنل میں جگہ بنالی

سعودی عرب میں جاری پروفیشنل فائٹر لیگ میں کویت اور عراق کے فائٹرز نے فائنل میں جگہ بنالی ہے۔

پروفیشنل فائٹرز لیگ (PFL) MENA نے دی ایرینا ریاض میں شاندار فائٹ نائٹ پیش کی، جہاں مشرقِ وسطیٰ اور شمالی افریقہ کے بہترین فائٹرز نے اپنی مہارت اور ہمت دکھا کر 2025 کے تاریخی فائنلز میں جگہ بنائی۔ اب بینٹم ویٹ، فیذر ویٹ، لائٹ ویٹ اور ویلٹر ویٹ کے فائٹرز چیمپئن بننے سے صرف ایک فتح دور ہیں۔

یہ بھی پڑھیں: پاکستان کا ایک اور اعزاز، باکسنگ چیمپیئن کا ٹائٹل اپنے نام کر لیا

مین ایونٹ میں کویت کے محمد العقرا (9-1) نے صرف 21 سیکنڈز میں تباہ کن TKO کے ذریعے مصر کے ایمن جلال (4-2) کو شکست دے کر ویلٹر ویٹ فائنلز میں اپنی نشست پکی کی۔ العقرا اب سخت جان مراکشی فائٹر بدرالدین دیانی (10-3) کے مقابل ہوں گے، جنہوں نے ابتدائی فائٹ میں امیر فاضلی (7-4) کو اسپلٹ ڈسیژن سے ہرایا۔

کومین ایونٹ میں عراق کے ناقابلِ شکست اسٹار محمد فہمی (6-0) نے ایران کے محسن محمد سیفی (8-3) کو پہلے ہی راؤنڈ میں ریئر نیکڈ چوک کے ذریعے سبمیشن کر کے لائٹ ویٹ فائنلز میں دھوم مچا دی۔

محمد فہمی اب ایک اور ناقابل شکست فائٹر صلاح الدین ہملی (10-0) کا سامنا کریں گے، جنہوں نے شاندار فائٹ کے بعد تیسرے راؤنڈ میں آرم ٹرائینگل چوک سے سہیل طیری (8-7) کو مات دی۔

سعودی عرب کے ابھرتے ہوئے ہیرو مالک باساہل (2-0) نے شائقین کو اپنے شاندار کھیل سے جھومنے پر مجبور کر دیا، جب انہوں نے مصر کے احمد مصطفی (3-2) کو دوسرے راؤنڈ میں سبمیشن کے ذریعے شکست دے کر اپنے پروفیشنل کیریئر کی دوسری جیت سمیٹی۔

یہ بھی پڑھیں: مائیک ٹائسن بمقابلہ جیک پال: غیر متوقع باکسنگ میچ کیوں کھیلا جا رہا ہے؟

بینٹم ویٹ میں مصر کے اسلام یوسف (7-2) نے مراکش کے زاویئر الاوئی (16-7) پر شاندار متفقہ فیصلے سے کامیابی حاصل کی اور اب وہ نوراس ابزاخ (14-6) کے خلاف فائنل میں اتریں گے، جنہوں نے تجربہ کار مختار بنکاسی (25-10) کو یونینمس ڈسیژن سے مات دی۔

فیذر ویٹ فائٹ میں مصر کے اسلام رضا (14-1) نے مراکش کے طٰہ بن داؤد (5-1) پر مکمل کنٹرول رکھتے ہوئے یونینمس ڈسیژن کے ذریعے فتح حاصل کی۔ اب رضا کا مقابلہ فرانسیسی-الجزائری فائٹر یانِس غموری (13-3) سے ہوگا، جنہوں نے شام کے ازالدین الدربانی (15-6) کو متفقہ فیصلے سے شکست دی۔

شائقین کے لیے ایک اور بڑی خوشخبری یہ ہے کہ سعودی خواتین کی ایم ایم اے اسٹار حطان السیف اپنی طویل انتظار کے بعد پیشہ ورانہ ڈیبیو کریں گی۔ حطان نے چار ایمیچر فائٹس میں ناقابل شکست 4-0 ریکارڈ کے ساتھ یہ موقع حاصل کیا اور اب پرو لیول پر قدم رکھنے جا رہی ہیں۔

پی ایف ایل مکسڈ مارشل آرٹس میں ایک عالمی رہنما ہے، جو منفرد اسپورٹس سیزن فارمیٹ کے تحت فائٹرز کو جیت اور اگلے مرحلے کے اصول پر مبنی لیگ میں مقابلے کا موقع فراہم کرتا ہے، جو بالآخر عالمی چیمپئن شپ ایونٹس پر ختم ہوتی ہے۔

یہ بھی پڑھیں: پاکستانی باکسر شہیر آفریدی کے مکوں سے بھارتی حریف رِنگ میں ڈھیر

پروفیشنل فائٹر لیگ(پی ایف ایل)MENA ( مشرقِ وسطیٰ اور شمالی افریقہ) کے بہترین فائٹرز کو عالمی سطح تک پہنچنے اور PFL گلوبل روسٹر میں شامل ہونے کی شاندار راہ فراہم کرتا ہے۔

دھماکہ خیز سیمی فائنلز کے بعد پی ایف ایل MENA فائنلز کے مقابلے کویت کے محمد العقرا، عراق کے محمد فہمی اور خطے کے صفِ اول کے فائٹرز 5 دسمبر کو الخبر، سعودی عرب میں شاندار چیمپئن شپ نائٹ کے لیے میدان میں اتریں گے۔