شکارپور کے قریب قومی شاہراہ بائی پاس کے مقام پر ایک افسوسناک حادثے میں 7 افراد جاں بحق اور 6 زخمی ہو گئے۔ پولیس کے مطابق سبزی سے لدے ٹرک نے سڑک کنارے سوئے ہوئے افراد کو کچل ڈالا، جس کے نتیجے میں ہلاکتیں ہوئیں۔
یہ بھی پڑھیں:پنجگور میں المناک حادثہ، 9 جاں بحق
جاں بحق افراد کی لاشوں اور زخمیوں کو سول اسپتال منتقل کر دیا گیا ہے، جہاں زخمیوں کو طبی امداد فراہم کی جا رہی ہے۔
پولیس حکام کے مطابق ابتدائی طور پر حادثہ تیز رفتاری کے باعث پیش آیا، تاہم ٹرک کو تحویل میں لے کر مزید تحقیقات شروع کر دی گئی ہیں۔
حکام کا کہنا ہے کہ مکمل تحقیقات کے بعد ہی کسی حتمی نتیجے پر پہنچا جا سکے گا۔
