آئی سی سی ویمنز ورلڈ کپ 2025 کے دوران پاکستان کی سابق کپتان اور معروف کمنٹیٹر ثنا میر کے ایک تبصرے پر بھارت میں شدید ردعمل دیکھنے میں آیا اور انہیں کمنٹری پینل سے ہٹانے کا مطالبہ بھی کیا گیا لیکن اس کے باوجود وہ کمنٹری پینل کا حصہ ہیں، وہ سابق بھارتی کرکٹر انجم چوپڑا کے ساتھ لائیو کمنٹری کرتے ہوئے بھی نظر آئیں۔
یہ بھی پڑھیں: ’سیاست سے باز آجائیں‘، بھارتی پراپیگنڈے پر سابق کرکٹر و کمنٹیٹر ثنا میر کا سخت ردعمل
ثنا میر کو انجم چوپڑا کے ساتھ کمنٹری کرتا دیکھ کر صارفین کا کہنا تھا کہ سیاست کا کھیل سے دور رہنا ہی بہتر ہے۔ ذیشان قیوم نے اس پر تبصرہ کرتے ہوئے کہا کہ سیاست کو نا کہیں، کھیل اور امن زندہ باد۔
Say No to Politics…
Sports and Peace Zindabad. pic.twitter.com/5aX0nFGA6l— Zeeshan Qayyum 🇵🇰 (@XeeshanQayyum) October 6, 2025
فرید خان نے پاکستان اور بھارت کے کمنٹیٹرز کو ایک ساتھ دیکھ کر تبصرہ کرتے ہوئے کہا کہ انجم چوپڑا اور ثنا میر کھیل کو سیاست سے دور رکھ رہی ہیں۔
Anjum Chopra & Sana Mir keeping politics out of sports 🇵🇰🤝🇮🇳 #CWC25 pic.twitter.com/9LOj9ecwwu
— Farid Khan (@_FaridKhan) October 6, 2025
ایک صارف نے کہا کہ ثنا میر اور بھارت کی انجم چوپڑا کے درمیان کمنٹری بہت پسند آئی۔ اس میں نہ کوئی منفی بات تھی اور نہ زہر آلود رویہ۔ بس خالص کرکٹ کی گفتگو ہوئی جو مردوں کے ایشیا کپ میں بالکل نظر نہیں آئی۔ انہوں نے کہا کہ آکاش چوپڑا اور اُن کے ساتھیوں کو ان سے کچھ سیکھنا چاہیے۔
Loved the commentary between Sana Mir and Anjum Chopra from India. No negativity or toxicity , just pure cricketing talk, which was missing in the men's Asia Cup. 👏👏
Akash Chopra and co should take some lessons from her pic.twitter.com/eq7iqB9DzD
— Hassan Abbasian (@HassanAbbasian) October 5, 2025
سید یحییٰ حسینی نے لکھا کہ کولمبو میں آئی سی سی ویمنز ورلڈ کپ کے کمنٹری باکس کے اندر، سابق کپتان انجم چوپڑا اور ثنا میر کو مسکراتے اور صرف کرکٹ کی بات کرتے دیکھا گیا۔ یہ ان لوگوں کے لیے سبق ہے جو کھیل میں نفرت پھیلانے کی کوشش کرتے ہیں۔ انہوں نے مزید کہا کہ کھیل سے سیاست کو دور رکھیں۔
In Colombo, inside the @ICC Women’s World Cup commentary box, former captains Anjum Chopra and Sana Mir were seen smiling and talking only about cricket.
This is a lesson for those who spread hatred in the game. Keep politics out of sports!#IndiaVsPakistan pic.twitter.com/vhy6Qm3g0c— Syed Yahya Hussaini (@SYahyaHussaini) October 5, 2025
واضح رہے کہ معاملہ اس وقت اٹھا جب ویمنز ورلڈ کپ 2025 کے میچ کے دوران کمنٹری میں انہوں نے کھلاڑی نتالیہ پرویز کے آبائی علاقے کو ’آزاد کشمیر‘ کہا تھا۔
یہ بھی پڑھیں: کھیل رہے تھے تو ہاتھ بھی ملانا چاہیے تھا، کانگریس رہنما ششی تھرور کی بھارتی ٹیم پر تنقید
بحث مزید اس وقت بڑھی جب کرک انفو نے نتالیہ پرویز کے پروفائل میں ان کی جائے پیدائش ’پاکستان ایڈمنسٹرڈ کشمیر‘ درج کر دیا، حالانکہ ابتدائی طور پر وہاں ’بندالہ، آزاد جموں و کشمیر‘ لکھا گیا تھا۔
