افریقی ملک ای سواتینی (سابقہ سوازی لینڈ) کے بادشاہ مسواتی سوئم کی متحدہ عرب امارات آمد کی ایک پرانی ویڈیو سوشل میڈیا پر ایک بار پھر وائرل ہو رہی ہے، جس میں انہیں اپنی 15 بیویوں اور 100 رکنی خدمتی عملے کے ہمراہ پرائیویٹ طیارے سے اترتے ہوئے دیکھا جا سکتا ہے۔
یہ بھی پڑھیں: نیپالی وزرا اور اہل خانہ کیسے فوجی ہیلی کاپٹر کی رسی سے لپٹ کر فرار ہوئے، ویڈیو وائرل
یہ ویڈیو ابتدائی طور پر جولائی 2025 میں سامنے آئی تھی، تاہم حالیہ دنوں میں دوبارہ توجہ کا مرکز بن گئی ہے۔ ویڈیو میں بادشاہ روایتی شاہی لباس میں ملبوس نظر آتے ہیں، جب کہ ان کے پیچھے کئی خواتین نہایت شاہانہ انداز میں ایئرپورٹ پر قدم رکھتی ہیں۔ میڈیا رپورٹس کے مطابق بادشاہ کے ہمراہ ان کے 30 بچے بھی موجود تھے۔
View this post on Instagram
بادشاہ کے اس پرتعیش دورے کے باعث ابوظہبی ایئرپورٹ پر سیکیورٹی حکام کو وقتی طور پر متعدد ٹرمینلز بند کرنے پڑے تاکہ شاہی وفد کے لیے خصوصی انتظامات کیے جا سکیں۔
یہ بھی پڑھیں: ’کسی انسان کی اتنی تذلیل نہیں کی جاسکتی‘، ہوٹل میں خاتون کے رقص کی ویڈیو وائرل
میڈیا رپورٹس کے مطابق بادشاہ مسواتی سوئم کے والد کنگ سوبحوزہ کی 125 بیویاں تھیں۔ سوشل میڈیا صارفین اس ویڈیو پر جہاں دلچسپ تبصرے کرتے نظر آئے۔ ایک سوشل میڈیا صارف نے کہا کہ کیا ان کے گھر میں کوئی کوآرڈینیٹر ہے جو تمام بیویوں کو سنبھالتا ہو؟ جبکہ ایک صارف نے مزاحیہ انداز میں کہا کہ اس کے بہن بھائیوں کے ووٹ ہی شاید اسے بادشاہ بنانے کے لیے کافی ثابت ہوئے۔
کئی صارفین نے بادشاہ کو تنقید کا نشانہ بھی بنایا۔ ایک صارف نے کہا کہ کیا یہ ملک اتنا امیر ہے کہ ایک پرائیویٹ جیٹ برداشت کر سکے؟ جبکہ ایک صارف کا کہنا تھا کہ یہ شخص پرائیویٹ جیٹ میں گھومتا ہے جبکہ اس کے لوگ بھوک سے مر رہے ہیں۔ ایک اور نے طنزیہ انداز میں کہا اور پھر یہ لوگ بچوں کو کھانا کھلانے کے لیے پیسے مانگتے ہیں۔
