پاکستان اور جنوبی افریقہ کے درمیان 2 ٹیسٹ میچوں کی سیریز کے لیے نشریاتی انتظامات مکمل کر لیے گئے ہیں۔ سابق جنوبی افریقی کپتان شون پولاک کمنٹری ٹیم کا حصہ ہوں گے، جبکہ پاکستان کی جانب سے عامر سہیل، رمیز راجا، وقار یونس اور بازید خان تجزیہ کاروں میں شامل ہوں گے۔
Broadcast details announced for Pakistan v South Africa series
Details here ➡️ https://t.co/ltcZBhC391#PAKvSA
— PCB Media (@TheRealPCBMedia) October 9, 2025
یہ سیریز آئی سی سی ورلڈ ٹیسٹ چیمپیئن شپ 27-2025 کا حصہ ہے۔ پہلا ٹیسٹ 12 اکتوبر سے شروع ہوگا اور دوسرا راولپنڈی اسٹیڈیم میں 20 تا 24 اکتوبر کھیلا جائے گا۔
زینب عباس ’پچ سائیڈ اسٹوڈیو‘ کی میزبانی کریں گی، جہاں ماہرین پری اور پوسٹ میچ تجزیے پیش کریں گے۔
مزید پڑھیں: پاکستان اور جنوبی افریقہ کے درمیان ٹیسٹ سیریز کے ٹکٹ فروخت کے لیے جاری
وائٹ بال سیریز (3 ٹی20 اور 3 ون ڈے) میں عروج ممتاز، جے پی ڈومنی اور ورنن فلینڈر بھی کمنٹری ٹیم میں شامل ہوں گے۔
میچز کی ایچ ڈی نشریات 28 کیمروں، بگی کیم، ہاک آئی اور الٹرا ایج ٹیکنالوجی کے ساتھ ہوں گی۔ پاکستان میں شائقین اے اسپورٹس اور ٹین اسپورٹس پر میچز دیکھ سکیں گے، جبکہ ٹپ میڈ اور تماشا پر لائیو اسٹریمنگ دستیاب ہوگی۔
