عالمی فائر اور ریسکیو چیمپئن شپ 2025 مملکت سعودی عرب میں 26 اکتوبر سے یکم نومبر تک ریاض میں منعقد ہوگی۔
یہ بھی پڑھیں: سعودی عرب کے سالم الدوسری پھر ایشیا کے بہترین فٹبالر بن گئے
سعودی پریس ایجنسی کے مطابق یہ مملکت کی جانب سے منعقد کردہ بین الاقوامی چیمپیئن شپ کا تسلسل ہے۔
مملکت نے اب تک 40 مختلف کھیلوں میں 100 سے زائد بین الاقوامی کھیلوں کے ایونٹس کی میزبانی کی ہے جن میں 2.6 ملین سے زائد مقامی اور بین الاقوامی شائقین نے شرکت کی۔
سعودی عرب نے اس سے پہلے کلب ورلڈ کپ، سپین اور اٹلی کے سپر کپ، سعودی ڈکار رالی، سعودی فارمولا 1 گرینڈ پری اور الیکٹرانک اسپورٹس ورلڈ کپ جیسی عالمی کھیلوں کی میزبانی کی ہے۔
Fire and Rescue World Championship Bolsters Saudi Record of Hosting Major Sporting Events.https://t.co/foHaYowz8Y#SPAGOV pic.twitter.com/MSJxn8s1Bb
— SPAENG (@Spa_Eng) October 16, 2025
اس کے علاوہ سپر گلوب ہینڈ بال، نیکسٹ جنریشن ٹینس فائنلز، سعودی انٹرنیشنل گالف چیمپئن شپ، سعودی ایکویسٹریئن کپ اور ورلڈ کپ فائنلز (2034) کی میزبانی بھی مملکت کے حوالے سے اہم کامیابیاں ہیں۔
مزید پڑھیے: سعودی عرب: کھیلوں کی سیاحت میں فروغ، 2030 تک 100 ارب ریال آمدن متوقع
یہ عالمی کھیلوں کی میزبانی مملکت کی عالمی حیثیت کو بڑھانے، سعودی ورثہ اور ثقافت کو اجاگر کرنے، قومی صلاحیتوں کی حمایت کرنے اور نجی شعبے کو کھیلوں کے شعبے میں سرمایہ کاری کی ترغیب دینے کے لیے کی جارہی ہے۔
مزید پڑھیں: سعودی یونیورسٹی کے 14 محققین دنیا کے بہترین سائنسدانوں کی فہرست میں شامل
عالمی فائر اور ریسکیو چیمپیئن شپ مملکت کے عالمی ایونٹس کی میزبانی کے وژن کے عین مطابق ہے۔
چیمپیئن شپ میں مختلف ممالک کے 22 کھلاڑی حصہ لیں گے
یہ چیمپیئن شپ وزارت داخلہ کے تحت جنرل ڈائریکٹوریٹ آف سول ڈیفنس کی طرف سے منعقد کی جارہی ہے جس میں دنیا کے مختلف ممالک سے 22 ممالک کے کھلاڑی حصہ لے رہے ہیں۔
یہ بھی پڑھیے: سعودی عرب کا تاریخی شہر العلا ایک بار پھر کھیلوں کے اہم ایونٹ کی میزبانی کے لیے تیار
یہ مقابلے کھیلوں، انسانی ہمدردی اور ثقافتی پہلوؤں کو اجاگر کریں گے۔ علاوہ ازیں چیمپیئن شپ میں شامل ممالک کے شائقین کی شرکت کے ساتھ ساتھ ملکی شہریوں کو فائر اور ریسکیو کے کھیل کو اپنانے کی بھی بھرپور حمایت کی جارہی ہے۔
