افغانستان کی جانب سے بھارت کے ایما پر پاکستان کے خلاف بلااشتعال فائرنگ کے جواب میں پاک فوج کی جانب سے پکتیکا میں کیے گئے آپریشن کی مزید تفصیلات سامنے آ گئی ہیں۔
سیکیورٹی ذرائع کے مطابق پکتیکا میں پاک فوج کے بھرپور جواب کے نتیجے میں نہ صرف افغان عبوری حکومت کی متعدد فوجی پوسٹیں تباہ ہوئیں بلکہ دہشت گردوں کی پناہ گاہوں کو بھی نشانہ بنایا گیا۔
یہ بھی پڑھیں:8 جنگیں رکوائیں، پاک افغان جنگ ختم کروانا یرے لیے بہت آسان ہے‘، ٹرمپ کا دعویٰ
سیکیورٹی ذرائع کے مطابق پاک فوج کی اس کارروائی کے نتیجے میں مارے جانے والے افغان کمانڈرز میں کمانڈر فرمان الکرامہ، کمانڈر صادق اللہ داوڑ، کمانڈر غازی مدہ خیل، کمانڈر مقرّب، کمانڈر قسمت اللہ، کمانڈر گلاب دیوانہ، کمانڈر رحمانی، کمانڈر عادل، کمانڈر فضل الرحمن (خارجی گل بہادر کا چچا)، کمانڈر عاشق اللہ کوثر اور کمانڈر یونس شامل ہیں۔
یاد رہے کہ کئی روز سے جاری اس کشیدگی کے دوران اور دو روزہ جنگ بندی میں توسیع کے درمیان آج پاکستان اور افغانستان کے وفود قطر کے دارالحکومت دوحہ میں مذاکرات کر رہے ہیں۔
