پاکستان پیپلز پارٹی (پی پی پی) کے چیئرمین بلاول بھٹو زرداری سے وفاقی وزیر داخلہ محسن نقوی نے ملاقات کی ہے۔
بلاول ہاؤس کراچی میں ہونے والی ملاقات میں باہمی دلچسپی کے امور، سیاسی اور ملکی صورتحال پر تبادلہ خیال کیا گیا۔
پاکستان پیپلزپارٹی کے چیئرمین بلاول بھٹو زرداری کی وفاقی وزیر داخلہ محسن نقوی سے بلاول ہاؤس کراچی میں ملاقات@BBhuttoZardari pic.twitter.com/nGVYcKcp19
— PPP (@MediaCellPPP) October 20, 2025
وزیرداخلہ محسن نقوی نے قیام امن کے لیے اٹھائے گئے اقدامات کے اقدامات کے حوالے سے چیئرمین پی پی پی کو آگاہ کیا۔
بلاول بھٹو زرداری نے اس موقع پر کہاکہ موجودہ چیلنجز کا مقابلہ اتحاد اور اتفاق سے ہی کیا جا سکتا ہے۔
وزیر داخلہ محسن نقوی نے کہاکہ پاکستان کے داخلی استحکام کے لیے سب کو مل کر کام کرنا ہوگا۔
وزیرداخلہ محسن نقوی نے بلاول بھٹو زرداری کو ملک کی داخلی سلامتی کے لیے کئے گئے اقدامات کے بارے آگاہ کیا۔
بلاول بھٹو زرداری نے داخلی سیکیورٹی کے اقدامات پر اطمینان کا اظہار کیا۔
