امریکی وزیرِ خارجہ مارکو روبیو کا کہنا ہے کہ کئی ممالک نے غزہ کے لیے مجوزہ بین الاقوامی سیکیورٹی فورس میں شامل ہونے کی پیشکش کی ہے، جو صدر ڈونلڈ ٹرمپ کے امن منصوبے کا ایک اہم حصہ ہے۔
میڈیا رپورٹس کے مطابق انہوں نے کہا کہ اسرائیل کو ان ممالک کے بارے میں مطمئن ہونا ضروری ہے۔
یہ بھی پڑھیں: اسرائیل نے مغربی کنارا ضم کیا تو امریکی حمایت کھو بیٹھے گا، صدر ڈونلڈ ٹرمپ
اسرائیل کے دورے پر گئے مارکو روبیو نے بتایا کہ مجوزہ سیکیورٹی فورس کی تشکیل سے متعلق مذاکرات جاری ہیں اور اسے جتنا جلد ممکن ہو نافذ کیا جائے گا۔
🇵🇸 🇮🇱 US Secretary of State Marco Rubio voiced hope Friday of soon putting together an international force to police the ceasefire in Gaza and said Israel, which opposes including Turkey, could veto participants.
➡️ https://t.co/q2sEHS3dnD pic.twitter.com/D6rYQ9hoU9— AFP News Agency (@AFP) October 24, 2025
تاہم، یہ واضح نہیں کہ اس فورس کو حماس کے ساتھ کسی مفاہمت کے بغیر کس طرح تعینات کیا جا سکتا ہے۔
انہوں نے کہا کہ اسرائیل اور حماس کے درمیان 2 ہفتے قبل طے پانیوالی جنگ بندی ایک تاریخی پیش رفت ہے، لیکن انہوں نے خبردار کیا کہ ’اتار چڑھاؤ اور مشکلات‘ ابھی باقی ہیں۔
’کوئی پلان بی نہیں ہے، یہی بہترین منصوبہ ہے اور یہی کامیاب ہو سکتا ہے۔‘
مزید پڑھیں:امریکا اسرائیل کا نگراں نہیں، شراکت دار ہے، نائب امریکی صدر جے ڈی وینس
انہوں نے زور دیا کہ ایسے حالات پیدا کرنا ہوں گےکہ 7 اکتوبر جیسے واقعات دوبارہ نہ ہوں، اور غزہ ایک ایسا علاقہ بن جائے جہاں سے نہ اسرائیل کو خطرہ ہو، نہ وہاں کے لوگوں کو۔
یہ جنگ 7 اکتوبر 2023 کو حماس کے اسرائیل پر حملے سے شروع ہوئی تھی، جس میں تقریباً 1,200 افراد ہلاک اور 251 افراد کو یرغمال بنا کر غزہ لے جایا گیا۔
اس کے جواب میں اسرائیلی کی جنگی کارروائیوں کے نتیجے میں غزہ کی وزارتِ صحت کے مطابق 68,280 فلسطینی ہلاک ہو چکے ہیں، ان اعداد وشمار کو اقوامِ متحدہ معتبر سمجھتی ہے۔
مزید پڑھیں:غزہ میں جنگ کی وجہ سے اسرائیل کے تشخص کو شدید نقصان پہنچا، امریکی وزیرخارجہ کا اعتراف
مارکو روبیو نے کہا کہ حماس کو غیر مسلح کیا جائے گا، جیسا کہ ٹرمپ کے امن منصوبے میں لازم قرار دیا گیا ہے۔
’اگر حماس نے غیر مسلح ہونے سے انکار کیا تو یہ معاہدے کی خلاف ورزی ہوگی، اور اس پر عمل درآمد کرانا ضروری ہوگا۔‘
انہوں نے مزید کہا کہ حماس حکومت نہیں چلا سکتی اور نہ ہی غزہ کے مستقبل کے نظم و نسق میں شامل ہو سکتی ہے۔
مزید پڑھیں:قطر پر اسرائیلی حملے کے بعد مسئلہ فلسطین کو دفن کرنے کی کوششں کی جا رہی ہے، مسعود خان
مارکو روبیو کا اسرائیل کا دورہ ایسے وقت میں ہو رہا ہے جب نائب صدر جے ڈی وینس سمیت اعلیٰ امریکی حکام بھی اسرائیل کا دورہ کر چکے ہیں۔
جو اس بات کی علامت ہے کہ واشنگٹن صدر ٹرمپ کے امن منصوبے کو کامیاب بنانے کے لیے پرعزم ہے۔
اسرائیلی میڈیا میں امریکی مداخلت کو ’بی بی سِٹنگ‘ یعنی وزیرِاعظم نیتن یاہو کی نگرانی کہا جا رہا ہے۔
مزید پڑھیں: اسرائیلی وزیرِ اعظم نیتن یاہو نے بھی ڈونلڈ ٹرمپ کو نوبیل امن انعام کے لیے نامزد کر دیا
گزشتہ دنوں وائٹ ہاؤس اور اسرائیلی حکومت کے درمیان کشیدگی کی خبریں سامنے آئیں، خصوصاً غزہ میں حالیہ فوجی حملے اور مغربی کنارے کے انضمام کے لیے کنیسٹ کے ووٹ کے بعد، جس دوران وینس اسرائیل میں موجود تھے۔
اسرائیلی اخبار ہارٹس کے مطابق، امریکی حکام نے کہا کہ وہ اسرائیل کی طرف سے کسی بھی ایسے اچانک اقدام کو برداشت نہیں کریں گے جو جنگ بندی کو نقصان پہنچا سکے۔
اخبار کے مطابق امریکی حکومت دراصل اسرائیل سے ہر ممکن فوجی کارروائی سے قبل پیشگی اطلاع کی توقع کر رہے ہیں، عملی طور پر امریکا اسرائیل کے کچھ سیکیورٹی اختیارات اپنے ہاتھ میں لے رہا ہے۔
مزید پڑھیں: امریکا کا اسرائیل میں 200 فوجی اہلکار بھیجنے کا فیصلہ
عوامی سطح پر اسرائیلی وزیر اعظم نیتن یاہو نے ان رپورٹس کی تردید کرتے ہوئے کہا ہے کہ امریکا اور اسرائیل کا تعلق شراکت داری پر مبنی ہے۔
امریکی دباؤ ایسے وقت میں بڑھ رہا ہے جب اسرائیل عالمی سطح پر بڑھتی ہوئی تنہائی کا شکار ہے۔
نیتن یاہو کی کوشش ہے کہ غزہ کی جنگ کو ملکی سطح پر کامیابی کے طور پر پیش کریں، جو 2026 کے انتخابات میں ان کی مہم کا حصہ بن سکتی ہے۔
