فٹبال کا جادو ریاض کانفرنس میں بھی سر چڑھ کر بول رہا ہے۔ حال ہی میں ایک ویڈیو سوشل میڈیا پر وائرل ہوئی جس میں فیفا کے صدر جیانی انفانتینو کانفرنس میں فٹبال لے آئے۔
انہوں نے فٹبال ہاتھ میں اٹھاتے ہوئے کہا کہ اگر آپ اسے غور سے دیکھیں تو یہ گیند جیسا لگتا ہے ۔ انہوں نے اپنے ساتھ بیٹھے شخص کو فٹبال پکڑاتے ہوئے کہا کہ کیا ایسا ہی ہے جس پر اس نے کہا کہ ہاں چھونے میں مجھے بھی گیند جیسا محسوس ہوتا ہے۔ پھر انہوں نے کہا کہ اسے آگے بیٹھے ہوئے شرکاء تک پہنچائیں۔
یہ بھی پڑھیں: پاکستان قدرتی وسائل سے مالا مال، موسمیاتی تبدیلیوں کے اثرات کی وجہ سے بے بس ہیں، وزیراعظم شہباز شریف
شرکاء نے ایک دوسرے کو فٹ بال پاس کی۔ جب فٹبال شہباز شریف کے ہاتھ میں آیا تو انہوں نے 2 بار گیند پھینکنے کا دکھاوا کیا، اور جب انہوں نے تیسری بار واقعی گیند پھینکی تو وفد کے رکن اسے پکڑنے میں ناکام رہے جس پر وہاں موجود تمام لوگ قہقہے لگانے لگے اور خوب تالیاں بجائیں۔ وزیراعظم شہباز شریف سمیت تمام شرکاء نے اس صورتحال سے خوب لطف اٹھایا۔
PM Shehbaz Sharif pretended to throw the ball twice, and when he actually threw it the third time, one of the delegates failed to catch it! 👏🏼😂 #PakistanSaudiPartnership pic.twitter.com/Iu7iKaxszj
— Saad Kaiser 🇵🇰 (@TheSaadKaiser) October 28, 2025
ن لیگ کے حامی صارف پرویز سندھیلا نے ویڈیو پر تبصرہ کرتے ہوئے کہا ’چاچو کی شرارتیں‘۔
چاچو کی شرارتیں
pic.twitter.com/CZKOuP79vw— Pervaiz Sandhila (@chsandhilaa) October 28, 2025
عاطف رؤف نے لکھا کہ شہبازشریف کے دلچسپ انداز یں فٹبال اچھالنے پر خوب تالیاں بجائیں گئیں۔
شہبازشریف کے دلچسپ انداز یں فٹبال اچھالنے پر خوب تالیاں بجائیں گئیں 👏👏👏
صدر FIFA نے شہبازشریف کی تعاریف کرتے ہوئے کہا جو آپ اپنے ملک کے لئے کر رہے ہیں وہ شانداز ہے 👏 pic.twitter.com/wwHJ4yDUwn
— Atif Rauf (@Atifrauf79) October 29, 2025
فیفا سربراہ نے اس موقع پر کہا کہ یہ صرف فٹبال نہیں بلکہ جادوئی آلہ ہے جو لوگوں کے چہروں پر خوشی لے آتا ہے۔ صدرفیفا نے وزیراعظم شہبازشریف کی تعریف بھی کی اور کہا کہ جو آپ اپنے ملک کے لیے کر رہے ہیں وہ شانداز ہے
یہ بھی پڑھیں: وزیراعظم شہباز شریف کی ورلڈ اکنامک فورم کے صدر سے ملاقات، تبادلہ خیال
واضح رہے کہ سعودی عرب کے ولی عہد شہزادہ محمد بن سلمان اور پاکستان کے وزیراعظم محمد شہباز شریف نے دونوں ممالک کے درمیان ’اقتصادی تعاون کے فریم ورک‘ کے آغاز پر اتفاق کیا۔
اعلامیے میں کہا گیا ہے کہ اس فریم ورک کے تحت معیشت، تجارت، سرمایہ کاری اور ترقی کے مختلف شعبوں میں کئی اسٹریٹجک اور کلیدی منصوبوں پر غور کیا جائے گا جو دونوں حکومتوں کے درمیان تعاون کو مزید مستحکم کریں گے۔
