نگران وزیراعلیٰ پنجاب محسن نقوی نے ناقص پیروی کرنے پر سیکریٹری پراسیکیوشن کو فوری تبدیل کرنے کا حکم دے دیا۔
ذرئع کے مطابق وزیر اعلیٰ پنجاب محسن نقوی نے پاکستان تحریک انصاف ( پی ٹی آئی ) کے چیئرمین عمران خان کی گرفتاری کے بعد ملک میں پیدا ہونے والی صورت حال، کشیدگی اور فوجی تنصیبات پر حملوں میں ملوث افراد پر عدالتوں میں چلنے والے مقدمات کی ناقص پیروی پر تشویش کا اظہار کیا ہے۔
انہوں نے مقدمات کی ناقص پیروی کرنے پرصوبہ پنجاب کے سیکریٹری پراسیکیوشن کو فوری طور پر تبدیل کرنے کے احکامات جاری کیے ہیں۔
نگران وزیراعلی پنجاب محسن نقوی کا کہنا ہے کہ چند لوگوں کی نااہلی سے ’دہشت گردوں‘ کا فائدہ کسی صورت قبول نہیں کیا جائے گا۔ ناقص پیروی سے ’شرپسندوں‘ کو رعایت نہیں ملنے دیں گے۔
انہوں نے 9 مئی کے واقعات کے بعد عدالتوں میں چلنے والے مقدمات کی حکومت کی طرف سے پیروی کرنے والوں کو ہدایات جاری کیں کہ 9 مئی کا ایک ایک کیس اپنا کیس سمجھ کرعدالت میں جائیں اور حکومت کی عمل داری کو بحال کروانے میں اپنا کردار ادا کریں۔
سب کی خبر
