آزاد کشمیر میں ان ہاؤس تبدیلی کے لیے تحریک عدم اعتماد کل جمع کرائے جانے کا امکان ہے، اور نئے وزیراعظم کا اعلان بھی کل ہی متوقع ہے۔
ذرائع کے مطابق آزاد کشمیر میں نئے وزیراعظم کے لیے صدر پیپلز پارٹی آزاد کشمیر چوہدری یاسین اور اسپیکر چوہدری لطیف اکبر مضبوط امیدوار ہیں۔
مزید پڑھیں: شہباز شریف کی وطن واپسی: آزاد کشمیر میں حکومت کی تبدیلی کا معاملہ آخری مراحل میں داخل
آزاد کشمیر میں نئے وزیراعظم کے نام کی منظوری صدر مملکت آصف علی زرداری دیں گے، جس کے بعد چیئرمین پی پی پی بلاول بھٹو باضابطہ اعلان کریں گے۔
ایک ذرائع نے یہ بھی بتایا کہ وزارتِ عظمیٰ کے لیے پارٹی میں 4 ناموں پر غور کیا جا رہا ہے، جن میں چوہدری یاسین، چوہدری لطیف اکبر، فیصل ممتاز راٹھور اور سردار یعقوب خان شامل ہیں۔
یہ بھی پڑھیں: آزاد کشمیر حکومتی تبدیلی: ن لیگ کا تحریک عدم اعتماد میں پیپلز پارٹی کا ساتھ دینے کا اعلان
واضح رہے کہ پاکستان پیپلز پارٹی نے آزاد کشمیر میں اپنی حکومت بنانے کا فیصلہ کیا ہے، اور امکان ہے کہ کل وزیراعظم چوہدری انوارالحق کے خلاف تحریک عدم اعتماد پیش کردی جائےگی۔
