فٹبال کی دنیا میں ایک بار پھر بحث چِھڑ گئی ہے، جب کرسٹیانو رونالڈو نے واضح الفاظ میں کہا کہ وہ لیونیل میسی کو تاریخ کا بہترین فٹبالر نہیں مانتے۔
ایک انٹرویو کے دوران جب رونالڈو سے پوچھا گیا کہ کیا وہ میسی کو گوٹ مانتے ہیں، تو انہوں نے جواب دیا،’میسی مجھ سے بہتر ہے؟ میں اس رائے سے اتفاق نہیں کرتا۔ میں عاجزی نہیں دکھانا چاہتا۔‘
یہ بھی پڑھیں: کرسٹیانو رونالڈو بمقابلہ لیونل میسی: کس کی مارکیٹ ویلیو زیادہ؟
انٹرویو میں وین رونی کے اس بیان کا بھی ذکر ہوا جس میں انہوں نے کہا تھا کہ میسی، رونالڈو سے بہتر ہیں۔ بعد ازاں رونی نے وضاحت کرتے ہوئے کہا تھا کہ یہ صرف ذاتی رائے تھی، کوئی دشمنی نہیں۔
وین رونی کا کہنا ہے کہ ’لوگ سمجھتے ہیں کہ میں رونالڈو سے نفرت کرتا ہوں۔ میں ایسا نہیں ہوں۔ میں سمجھتا ہوں کہ وہ ایک شاندار کھلاڑی ہے اور جو کچھ وہ کر رہا ہے وہ ناقابلِ یقین ہے۔‘
رونالڈو نے اس پر ردعمل دیتے ہوئے کہا ’اس بات سے مجھے کوئی مسئلہ نہیں۔‘
یہ بھی پڑھیں: کرسٹیانو رونالڈو ایک بار پھر دنیا کے سب سے زیادہ کمانے والے فٹبالر قرار
واضح رہے کہ رونی اور رونالڈو نے 2004 سے 2009 تک مانچسٹر یونائیٹڈ میں ایک ساتھ کھیلتے ہوئے یادگار کارکردگی دکھائی۔
40 سال کی عمر کا ہندسہ چھونے کے باوجود رونالڈو اب بھی فٹبال میں غیر معمولی تسلسل دکھا رہے ہیں اور ان کا ہدف تاریخ میں پہلی بار ایک ہزار کیریئر گول مکمل کرنے کا ہے۔ موجودہ سیزن (2025-26) میں وہ اب تک النصر کے لیے 10 میچز میں 9 گول کر چکے ہیں۔
