سکھوں کے روحانی پیشوا بابا گورونانک کے جنم دن کی تقریبات میں شرکت کے لیے پاکستان آنے والے سکھ یاتریوں کو پنجاب پولیس کے اہلکار نے رُلا دیا۔
پنجاب پولیس کے ہیڈ کانسٹیبل شاہد سلیمی نے بابا گورو نانک کے 556ویں جنم دن کی تقریبات میں شریک سکھ یاتریوں کے ساتھ عارفانہ کلام گا کر اظہار عقیدت کیا۔
پنجاب پولیس کے ہیڈ کانسٹیبل شاہد سلیمی کا بابا گرو نانک کے 556ویں جنم دن کی تقریبات میں شریک سکھ یاتریوں کے ساتھ عارفانہ کلام گا کر اظہارِ عقیدت۔
پنجاب پولیس ہر سال بابا گرو نانک کے جنم دن کی تقریبات میں اندرون و بیرون ملک سے شریک سکھ یاتریوں کی حفاظت اور خدمت کا فریضہ انجام دیتی… pic.twitter.com/52g7ANJ2mR— Punjab Police Official (@OfficialDPRPP) November 9, 2025
پنجاب پولیس ہر سال بابا گورو نانک کے جنم دن کی تقریبات میں اندرون و بیرون ملک سے شریک سکھ یاتریوں کی حفاظت اور خدمت کا فریضہ انجام دیتی ہے۔
واضح رہے کہ بابا گورونانک کے جنم دن کی تقریبات میں ملک سمیت دنیا بھر سے سکھ یاتریوں نے شرکت کی، جس کے لیے پنجاب حکومت کی جانب سے خصوصی انتظامات کیے گئے۔
وزیراعلیٰ پنجاب مریم نواز کی ہدایت پر سکھ یاتریوں کو بھرپور سہولیات فراہم کی گئیں، جبکہ سیکیورٹی کے بھی سخت انتظامات کیے گئے تھے۔
مزید پڑھیں: بابا گرو نانک جنم دن تقریبات: وزیراعلیٰ پنجاب مریم نواز کا سکھ یاتریوں کا خیر مقدم
بابا گورونانک کے جنم دن کے موقع پر ہر سال بڑی تعداد میں سکھ یاتری پاکستان کا رخ کرتے ہیں، جن کا حکومت پاکستان کی جانب سے بھرپور خیرمقدم کیا جاتا ہے۔
