طالبان رجیم دہشتگردی پر پردہ ڈال رہی ہے، ترجمان دفتر خارجہ

وزیراعظم نے صدر الہام علیوف کو دورۂ پاکستان کی دعوت بھی دی، جو انہوں نے بخوشی قبول کرلی ہے۔

وزیراعظم کے مشیر برائے سیاحت یاسر الیاس کی مبینہ طور پر اسرائیلی وزیرِ سیاحت سے ملاقات سے متعلق سوال پر ترجمان نے کہا کہانہیں اس کا علم نہیں،

تاہم ان کا مؤقف تھا کہ ایسی ملاقات یقیناً سرکاری طور پر ہرگز نہیں ہوئی۔

مزید پڑھیں: اسرائیل، بھارت اور افغان طالبان کا شیطانی گٹھ جوڑ

ترجمان نے کہا کہ سری لنکن کرکٹ ٹیم پاکستان کے معزز مہمان ہیں اور وزارتِ خارجہ انہیں مکمل معاونت فراہم کر رہی ہے۔

انڈس واٹر ٹریٹی کے حوالے سے ایک سوال پر انہوں نے بتایا کہ اس معاہدے سے متعلق میٹنگ ویانا میں جاری ہے، اور چونکہ یہ ٹریٹی معطل نہیں ہوسکتی، اس لیے بھارت کا اجلاس میں شریک نہ ہونا غیر قانونی اقدام ہے۔

افغانستان کے ساتھ دوطرفہ تعلقات پر بات کرتے ہوئے ترجمان نے کہا کہ اس وقت دونوں ممالک کے درمیان سفارتی ڈیڈلاک موجود ہے۔

مزید پڑھیں: بہت ہوگیا، اب افغان طالبان کی تجاویز نہیں حل چاہیے، اور حل ہم نکالیں گے: ڈی جی آئی ایس پی آر

انہوں نے زور دیا کہ پاکستان مذاکرات کے ذریعے مسائل کا حل چاہتا ہے اور اس کا بنیادی مؤقف دہشتگردی کی روک تھام ہے۔

انہوں نے بتایا کہ ترک صدر طیب اردوان نے پاک افغان مذاکرات کے لیے اعلیٰ سطحی وفد بھیجنے کا اعلان کیا تھا اور پاکستان برادر ملک ترکیہ کی خلوص پر مبنی کوششوں کا شکر گزار ہے۔

انہوں نے مزید کہا کہ ایران کی جانب سے ثالثی کی کوششوں کا پاکستان خیرمقدم کرتا ہے، کیونکہ ثالثی سے وہی انکار کرتا ہے جس کی پوزیشن کمزور ہوتی ہے۔

مزید پڑھیں:غلط بیانی قابل قبول نہیں، پاکستان نے استنبول مذاکرات سے متعلق افغان طالبان کا بیان مسترد کردیا

ترجمان دفتر خارجہ نے افغانستان کے ساتھ سیز فائر قائم ہونے یا نہ ہونے کے سوال پر تبصرہ کرنے سے گریز کیا۔

افغان مہاجرین کی وطن واپسی کے حوالے سے انہوں نے کہا کہ اس عمل کی تکمیل کے لیے کوئی حتمی ٹائم لائن موجود نہیں۔

آخر میں کرتار پور راہداری سے متعلق سوال پر ترجمان نے بتایا کہ بارڈر اس وقت بھارت کی جانب سے بند ہے۔