۔پاکستان پیپلز پارٹی کے 18 وزراء نے ایوانِ صدر میں حلف اٹھا لیا۔
19وزراء سے چوہدری لطیف اکبر قائم مقام صدرِ ریاست نے حلف لیا جبکہ 2مشیران سے وزیرِ اعظم نے حلف لیا
سابق وزیراعظم چوہدری انوارالحق کی کابینہ میں وزیر قانون کے طور پر ذمہ داریاں نبھانے والے میاں عبدالوحید کو نئی کابینہ میں سینیئر وزیر کا منصب دیا جائے گا۔ نئی حکومت کی تشکیل کے لیے بنائی گئی کابینہ میں 18 وزرا اور 2 مشیر شامل ہوں گے۔
یہ بھی پڑھیے: آزاد کشمیر کے نئے نامزد وزیراعظم راجا فیصل ممتاز راٹھور کون ہیں؟
سرکاری ذرائع کے مطابق قائم مقام صدر چوہدری لطیف اکبر وزرا سے حلف لیں گے جبکہ کابینہ میں شامل 18 وزرا کے نام نوٹیفکیشن کے ذریعے تقریب میں پڑھ کر سنائے جائیں گے۔
ذرائع نے بتایا کہ نئی کابینہ میں شامل وزرا میں سردار جاوید ایوب، میاں وحید اور جاوید بڈھانوی، ملک ظفر، دیوان چغتائی اور چوہدری ارشد، قاسم مجید، ضیا القمر اور چوہدری رشید شامل ہیں۔ نبیلہ ایوب، رفیق نیئر اور یاسر سلطان بھی کابینہ کا حصہ ہوں گے، جبکہ بازل نقوی، عامر یاسین اور محمد حسین کے نام بھی فہرست میں شامل ہیں۔
چوہدری اخلاق، فہیم اختر ربانی اور علی شان سونی کو بھی کابینہ میں شامل کیا گیا ہے۔ اس کے علاوہ، فہد یعقوب اور احمد صغیر بطور مشیر حلف اٹھائیں گے۔ ذرائع کے مطابق نئی کابینہ کی تشکیل سے حکومت کو مضبوط استحکام حاصل ہوگا اور آئندہ اقدامات کے لیے ٹیم مکمل ہو جائے گی۔
اس سے قبل مشاورتی مراحل مکمل نہ ہونے پر کابینہ کی حلف برداری گزشتہ روز مؤخر کر دی گئی تھی۔ ابتدائی تجویز میں صرف 10 وزرا شامل کرنے کا فیصلہ رکھا گیا تھا، لیکن یہ تجویز اسمبلی اراکین نے مسترد کر دی، جس کے بعد گزشتہ دو روز سے مسلسل مشاورت کا عمل جاری رہا۔
یہ بھی پڑھیے: آزاد کشمیر: نومنتخب وزیراعظم نے حلف اٹھا لیا، پی پی نے عوام کے ساتھ رشتہ دوبارہ جوڑنے کی ذمہ داری اٹھائی، فیصل راٹھور
مشاورت کی قیادت پیپلز پارٹی کی رہنما فریال تالپور اور نومنتخب وزیراعظم فیصل ممتاز راٹھور کر رہے تھے۔ وزرا کی فہرست اور محکموں پر اتفاق رائے کے بعد آج حلف برداری کا فیصلہ کیا گیا ہے۔
حلف اٹھانے کے بعد وزیراعظم فیصل ممتاز راٹھور کابینہ کے ارکان کو محکمے الاٹ کریں گے۔
