سہ ملکی ٹی ٹوئنٹی سیریز کے اہم میچ سے قبل قومی کرکٹ ٹیم کو بڑا دھچکا لگا ہے، جب فاسٹ بولر شاہین آفریدی پاؤں کی انجری کا شکار ہو گئے۔
پاکستان کرکٹ بورڈ (پی سی بی) کے مطابق شاہین کو آرام کی ضرورت ہے اور وہ آج اور کل کے میچ میں کھیل سے باہر رہیں گے تاکہ انجری بہتر ہو سکے۔
یہ بھی پڑھیں:1888 کے بعد سب سے چھوٹا ایشز ٹیسٹ، صرف 2 دن ہی میں فیصلہ ہوگیا
واضح رہے کہ پاکستان نے سیریز کے پہلے میچ میں زمبابوے کو 5 وکٹوں سے شکست دی تھی، اور اب ٹیم سری لنکا کے خلاف میچ میں اپنی فتح کی روایت جاری رکھنے کی کوشش کرے گی۔
شاہین آفریدی پاکستان کی تیز رفتار بولنگ کا اہم ستون ہیں اور ان کی غیر موجودگی ٹیم کی بولنگ لائن پر اثر ڈال سکتی ہے۔
یہ بھی پڑھیں:ٹی20 ورلڈ کپ 2026: پاکستان اور بھارت ایک ہی گروپ میں، میچ 15 فروری کو کولمبو میں ہوگا
سری لنکا کے خلاف میچ میں ان کی غیر موجودگی قومی ٹیم کے لیے بڑا چیلنج ثابت ہو سکتی ہے، خاص طور پر جب مخالف ٹیم نے پہلے میچ میں زمبابوے کے خلاف شکست کے بعد فتح کی تلافی کے لیے بھرپور تیاری کی ہے۔
