تائیوان کے قریب جاپانی میزائل یونٹ کی تنصیب پر چین کو شدید ردعمل، خطے میں کشیدگی مزید بڑھ گئی

چین نے جاپان کے اس منصوبے کو شدید تنقید کا نشانہ بنایا ہے جس کے تحت وہ تائیوان کے قریب واقع جزیرے یوناگونی پر میزائل یونٹ تعینات کرنے جا رہا ہے۔ چین نے اسے علاقائی کشیدگی بڑھانے اور فوجی محاذ آرائی کو اشتعال دینے کی کوشش قرار دیا ہے۔

جاپان کے وزیرِ دفاع شنجیرو کوئزومی نے کہا کہ منصوبہ مسلسل آگے بڑھ رہا ہے اور یہ جزیرہ تائیوان کے ساحل سے صرف 110 کلومیٹر کے فاصلے پر واقع ہے۔

یہ بھی پڑھیں:چین جزیرہ تائیوان پر روس کے تعاون سے حملہ ہوگا، امریکی میڈیا

چین نے ریاستی میڈیا میں تنقیدی مہم، جاپانی سی فوڈ پر پابندی اور اپنے شہریوں کو جاپان کے سفر سے روکنے جیسے اقدامات کیے ہیں۔ تائیوان نے جاپان کے حقِ خودمختاری اور اپنی سرزمین کے دفاع کی اہمیت کو تسلیم کیا۔

اس دوران، چین کی فوج نے جنگی لہجے میں متعدد ویڈیوز جاری کیں، جن میں میزائل فائرنگ، فوجیوں کی تیاری اور دشمن کے لیے سخت پیغامات دکھائے گئے۔ جاپان کا کہنا ہے کہ میزائل سسٹم جزیرے کی حفاظت کے لیے ضروری ہے، لیکن چین اسے براہِ راست اشتعال انگیزی سمجھتا ہے، جس سے خطے میں تناؤ مزید بڑھ گیا ہے۔