پاکستان اسٹاک ایکسچینج میں منگل کو کاروباری سرگرمیوں کے آغاز کے ساتھ ہی مثبت رجحان دیکھنے میں آیا۔
جہاں کاروبار کے ابتدائی لمحات میں بینچ مارک کے ایس سی 100 انڈیکس میں ابتدائی لمحات میں تقریباً 500 پوائنٹس کا اضافہ ریکارڈ کیا گیا۔
یہ بھی پڑھیں: اسٹاک ایکسچینج میں مندی کا رجحان، انڈیکس مزید 650 پوائنٹس گر گیا
صبح 9 بج کر 35 منٹ پرانڈیکس 162,464 پوائنٹس کی سطح پر موجود تھا جو 480 پوائنٹس یعنی 0.30 فیصد کے اضافے کی نشاندہی کرتا ہے۔
Market is up at midday 🚀
⏳ KSE 100 is positive by +318.37 points (+0.2%) at midday trading. Index is at 162,302.46 and volume so far is 63.15 million shares (12:00 PM) pic.twitter.com/SsjmrRKJLP— Investify Pakistan (@investifypk) November 25, 2025
مارکیٹ میں خاص طور پر آٹو موبائل اسمبلرز، سیمنٹ، کمرشل بینکس، فرٹیلائزر، آئل اینڈ گیس ایکسپلوریشن، آئل مارکیٹنگ کمپنیز، پاور جنریشن اور ریفائنری شعبوں میں نمایاں خریداری دیکھنے میں آئی۔
گزشتہ روز یعنی پیر کو اسٹاک مارکیٹ میں معمولی مندی دیکھی گئی تھی، جب کم ٹریڈنگ والیوم اور سرمایہ کاروں کے محتاط رویّے کے باعث انڈیکس 161,984 پوائنٹس یعنی 118 پوائنٹس کی کمی پر بند ہوا۔
مزید پڑھیں: مثبت خبروں نے اسٹاک مارکیٹ سنبھال لی، انڈیکس میں 5,200 پوائنٹس کا اضافہ
بین الاقوامی صورتحال میں بھی منگل کو ایشیائی مارکیٹس میں تیزی دیکھی گئی کیونکہ یہ توقعات بڑھ رہی ہیں کہ امریکی فیڈرل ریزرو دسمبر میں شرح سود میں کمی کرے گا۔
ٹیکنالوجی کمپنیوں کے عالمی شیئرز میں بھی نمایاں خریداری ہوئی۔
ایم ایس سی آئی کا ایشیا پیسیفک انڈیکس 1% بڑھ گیا، جو پچھلے ہفتے ہونے والی 4% کمی کا کچھ حصہ ریکور کر رہا ہے۔
مزید پڑھیں: پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
تاہم یہ انڈیکس اب بھی رواں ماہ مجموعی طور پر 3.8 فیصد کمی کی طرف بڑھ رہا ہے، جو مارچ کے بعد پہلی ماہانہ گراوٹ ہے۔
جاپان کا نکی انڈیکس بھی منگل کی صبح 0.8 فیصد بڑھا، اگرچہ گزشتہ ہفتے یہ 3.5 فیصد نیچے آیا تھا۔
