نگراں حکومت پنجاب کے مشیر کھیل وہاب ریاض نے جون سے اگست تک لاہور کے نشتر پارک میں سمر کیمپس کے انعقاد کا اعلان کر دیا۔
سمر کیمپس کے انعقاد کے حوالے سے وزیر اعلیٰ پنجاب کے مشیر کھیل وہاب ریاض نے اپنے ویڈیو پیغام میں سمر کیمس لگانے کا اعلان کیا اور کہا کہ لاہور کے تمام نجی اور سرکاری اسکولوں کو سمر کیمپ میں شرکت کی دعوت دی جارہی ہے۔ والدین بھی سمر کیمپ کیلئے اسپورٹس بورڈ پنجاب کے دفاتر سے رجسٹریشن فارم حاصل کرسکتے ہیں۔
مشیر کھیل کا کہنا تھا کہ انڈر 8 اور انڈر 14 کی سطح کے لیے یہ کیمپ منعقد کیے جارہے ہیں۔ بچوں کے لیے لگائے گئے 14 مختلف قسم کے کھیلوں کے کیمپس میں ہاکی، کرکٹ، اتھلیٹکس، بیڈمنٹن، ٹیبل ٹینس، مارشل آرٹس، ٹینس، سوئمنگ، آرچری، اور جمناسٹک شامل ہیں۔
Important! 📣@Sports_BoardPB for the first time EVER has decided to hold a summer camp for young athletes starting from 12th of June. The sole purpose behind the initiative is to promote sports and healthy activities. This incredible summer camp is specifically designed for age… pic.twitter.com/wuzkibGFsZ
— Wahab Riaz (@WahabViki) May 22, 2023
وہاب ریاض کا کہنا تھا کہ محکمہ اسپورٹس سمر کیمپ کے لیے ماہر کوچز کی خدمات حاصل کر رہا ہے۔ کیمپ میں شرکت کرنے والے کھلاڑیوں کو تمام کھیلوں کی تربیت فراہم کی جائے گی۔
انہوں نے بتایا کہ سمر کیمپ میں کھیلنے کا سامان بھی مہیا کیا جائے گا، اس نیٹ ورک کو بڑھا کر پورے پنجاب تک لے کر جائیں گے۔ سمر کیمپ کا نیٹ ورک پورے پنجاب میں لگایا جائے گا۔
مزید پڑھیں
ان کا مزید کہنا تھا کہ سمر کیمپس کے انعقاد سے گراس روٹ لیول پر ٹیلنٹ کی نشاندہی اور فروغ میں مدد ملے گی۔
