آئرلینڈ میں حکام سے باضابطہ طور پر مائیکروسافٹ کے خلاف اسرائیلی فوج کے لیے غیر قانونی طور پر ڈیٹا پروسیسنگ کے الزامات کے تحت تحقیقات کی درخواست کی گئی ہے۔
یورپی یونین کے ڈیٹا پروٹیکشن کمیشن میں یہ درخواست انسانی حقوق کے گروپ آئرش کونسل فار سول لبرٹیز نے دائر کی۔
یہ بھی پڑھیں:مائیکروسافٹ کا کلاؤڈ پلیٹ فارم متاثر، کیبل کٹنے کے واقعات ہفتے میں کتنی بار ہوتے ہیں؟
آئی سی سی ایل کے ایگزیکٹو ڈائریکٹر جو او برائن کے مطابق مائیکروسافٹ کی ٹیکنالوجی نے لاکھوں فلسطینیوں کی زندگیوں کو خطرے میں ڈال دیا ہے۔
The Irish Council for Civil Liberties (ICCL) has filed a complaint with the Irish Data Protection Commission (DPC) against Microsoft, alleging the tech giant's data processing on behalf of the Israeli Military facilitated severe human rights violations and continues to enable… pic.twitter.com/bux35ncHhW
— MintPress News (@MintPressNews) December 4, 2025
یہ دعویٰ اس کے بعد سامنے آیا جب گارڈین اور 2 دیگر میڈیا اداروں نے اگست میں انکشاف کیا کہ فلسطینیوں کی بے شمار فون کالز مائیکروسافٹ کی Azure کلاؤڈ سروس میں محفوظ کی گئی تھیں، جو مبینہ طور پر اسرائیلی فوج کی غزہ پٹی میں عوام پر بڑے پیمانے پر نگرانی کی کارروائی کا حصہ تھیں۔
واضح رہے کہ مائیکروسافٹ کا یورپی ہیڈکوارٹر آئرلینڈ میں واقع ہے۔
مزید پڑھیں: چین نے مائیکروسافٹ کو خیرباد کہہ دیا، سرکاری دستاویزات مقامی سافٹ ویئر میں منتقل
رواں برس ستمبر میں، مائیکروسافٹ نے اسرائیلی ڈیفینس فورسز کی اس ٹیکنالوجی تک رسائی محدود کر دی، جو فلسطینی شہریوں کی کالز کی جاسوسی کے لیے استعمال ہوتی تھی۔
مائیکروسافٹ اور کہا کہ یہ Azure کلاؤڈ میں نگرانی کے ڈیٹا کی ذخیرہ کاری کے ذریعے مائیکروسافٹ کی شرائط کی خلاف ورزی تھی۔
آئی سی سی ایل کا موقف ہے کہ اس ڈیٹا پروسیسنگ نے اسرائیلی ڈیفینس فورسز کی جانب سے جنگی جرائم، انسانیت کیخلاف جرائم اور نسل کشی میں سہولت فراہم کی۔
ایگزیکٹو ڈائریکٹر جو او برائن کا مؤقف ہے کہ یہ محض ڈیٹا پروٹیکشن کی ناکامیاں نہیں ہیں، بلکہ یہ حقیقی دنیا میں تشدد کو ممکن بنانے والی خلاف ورزیاں ہیں۔
مزید پڑھیں: مائیکروسافٹ 365 سروس دنیا بھر میں متاثر، آؤٹ لک اور ہاٹ میل صارفین شدید پریشانی کا شکار
انہوں نے مزید کہا کہ جب یورپی یونین کے بنیادی ڈھانچے کو نگرانی اور ہدف بنانے کے لیے استعمال کیا جائے تو آئرش ڈیٹا پروٹیکشن کمیشن کو مداخلت کرنی چاہیے۔
جو او برائن کے مطابق یہی وجہ ہے کہ مائیکروسافٹ کو مکمل طور پر جواب دہ بنانا چاہیے۔
آئرلینڈ کے وزیرِ اعظم مائیکل مارٹن نے بدھ کے روز پارلیمنٹ کو بتایا تھا کہ مائیکروسافٹ نے 1985 میں آئرلینڈ میں سرمایہ کاری شروع کی، جب یہاں بیروزگاری کی شرح 17 فیصد تھی۔
ان کا کہنا تھا کہ اسی وجہ سے آئرش حکومت کاروبار اور معیشت پر بہت توجہ دیتی ہے۔ ’میں نے وہ دن کبھی نہیں بھولے۔‘
