مہندی کے رنگوں کو ہاتھوں میں پرو کر خود انحصاری کی مثال قائم کرنے والی امیہ بنت اقبال، ایک ایسی لڑکی کی کہانی جس نے ہنر کے ذریعے اپنی دنیا بدل ڈالی۔
یہ کہانی ہے مظفرآباد کی ایک باہمت اور خوددار طالبہ امیہ بنت اقبال کی، ایک ایسی لڑکی جس نے اپنے خوابوں کو رنگ اور مہندی کے کونز سے تعبیر کیا۔
میٹرک کے بعد جب اکثر لڑکیاں اگلے مرحلے کے خواب دیکھتی ہیں وہیں امیہ نےاپنے خوابوں کی تعبیر اپنے ہاتھوں سے لکھنی شروع کی۔
ایک چھوٹے سے کمرے، چند کونز اور بہت سارے ایسے خواب جو بظاہر ایک خاتون کے لیے قدرے آسان نہیں تھے۔
امیہ نے اپنے اس شوق کو پیشے کے طور پر اختیار کرتے ہوئے نا صرف اپنے تعلیمی اخراجات پورے کیے بلکہ اپنے پاؤں پر کھڑا ہونا بھی سیکھا۔
امیہ کی یہ کہانی ثابت کرتی ہے کہ اگر ارادہ مضبوط ہو تو ایک چھوٹا سا ہنر بھی خوشحالی کا دروازہ کھول سکتا ہے۔ مزید جانیے ڈاکٹر ثانیہ طارق کی اس رپورٹ میں۔
