سلطان محمد گولڈن نے طویل فاصلے تک ریورس ڈرائیونگ میں شاندار کارکردگی کا مظاہرہ کرتے ہوئے نیا عالمی ریکارڈ قائم کر دیا۔
یہ بھی پڑھیں: اگر آپ ہنڈائی الینٹرا ہائبرڈ 2025 کی ٹیسٹ ڈرائیو کے خواہاں ہیں تو یہ خبر آپ کے لیے ہے
سلطان محمد گولڈن نے 2022 میں قائم تیز ترین ریورس ڈرائیو کا ریکارڈ توڑتے ہوئے مقررہ فاصلہ صرف 57 سیکنڈز میں مکمل کیا۔ اس سے قبل یہ ریکارڈ 1 منٹ 15 سیکنڈز کا تھا، جو ایک امریکی اسٹنٹ مین نے قائم کیا تھا۔
ریکارڈ توڑنے کے بعد شائقین کی جانب سے سلطان محمد گولڈن کو بھرپور داد اور خراجِ تحسین پیش کیا گیا۔ اس کامیابی کے ساتھ ساتھ سلطان گولڈن نے ریورس ڈرائیونگ میں ریمپ جمپ کا دوسرا عالمی ریکارڈ بھی اپنے نام کر لیا۔ انہوں نے طویل فاصلے کی ریورس ڈرائیو کے دوران ریمپ جمپ کامیابی سے مکمل کر کے ایک اور سنگِ میل عبور کیا۔
یہ بھی پڑھیں: پاکستان میں پہلی بار بغیر ڈرائیور کے کار کی کامیاب ٹیسٹ ڈرائیو
دوسرا ورلڈ ریکارڈ قائم کرنے پر بھی شائقین نے سلطان محمد گولڈن کی مہارت اور جرات کو سراہا اور زبردست خراجِ تحسین پیش کیا۔
