آسٹریلیا کے شہر سڈنی میں واقع دنیا کے مشہور بونڈی بیچ پر یہودی تہوار کے موقع پر ہونے والی فائرنگ کے واقعے نے پورے ملک کو ہلا کر رکھ دیا۔ حملے میں کم از کم 12 افراد جان سے گئے جبکہ 30 سے زیادہ زخمی ہوئے، جنہیں مختلف اسپتالوں میں منتقل کر دیا گیا۔
یہ بھی پڑھیں:غزہ میں طوفانی بارش اور سردی سے 3 بچوں سمیت 16 افراد جاں بحق
غیر ملکی خبر رساں ادارے کے مطابق آسٹریلیا کے شہر سڈنی میں بونڈی بیچ پر اتوار کے روز یہودی تہوار ہنوکا کی تقریب کے دوران مسلح افراد نے اندھا دھند فائرنگ کر دی، جس کے نتیجے میں 12 افراد ہلاک اور 30 سے زیادہ زخمی ہو گئے۔
Ten killed in ‘shocking and distressing’ Bondi Beach shooting near Jewish community gathering
Read more: https://t.co/QQAZ28epCL
Police said the shooting occurred just after 6.40pm near a Jewish community gathering at #BondiBeach, where hundreds of people had assembled for a… pic.twitter.com/Hh6ZTczMpq
— The Australia Today (@TheAusToday) December 14, 2025
نیو ساؤتھ ویلز پولیس نے تصدیق کی ہے کہ واقعے کے بعد دو افراد کو حراست میں لے لیا گیا ہے، جبکہ آسٹریلوی میڈیا کے مطابق کم از کم ایک حملہ آور بھی ہلاک ہونے والوں میں شامل ہے۔
ریسکیو حکام کے مطابق زخمیوں کو فوری طور پر قریبی اسپتالوں میں منتقل کیا گیا، جہاں متعدد افراد کی حالت تشویشناک بتائی جا رہی ہے۔ ایک عینی شاہد نے مقامی میڈیا کو بتایا کہ اس نے کم از کم 12 افراد کو زمین پر گرتے دیکھا اور ہر طرف خون پھیلا ہوا تھا۔
یہ بھی پڑھیں:اسرائیلی فوج کی غزہ سٹی میں کارروائی، حماس کے اہم کمانڈر کو شہید کرنے کا دعویٰ
آسٹریلوی وزیر اعظم انتھونی البانیز نے واقعے کو انتہائی افسوسناک اور دل دہلا دینے والا قرار دیتے ہوئے کہا کہ ایمرجنسی سروسز فوری طور پر موقع پر پہنچ گئیں اور جانیں بچانے کی ہر ممکن کوشش کی جا رہی ہے۔
🚨Bondi beach shooting : 10 people dead including one shooter after gunfire attack; another alleged shooter in critical condition .#Sydney #bondibeach #australiaopen2025 pic.twitter.com/GltbYfgJEo
— CSE Aspirants (@cse_aspirantss) December 14, 2025
واضح رہے کہ اکتوبر 2023 میں غزہ جنگ کے آغاز کے بعد سے آسٹریلیا میں یہودی عبادت گاہوں، عمارتوں اور گاڑیوں پر متعدد حملے ہو چکے ہیں۔ بونڈی بیچ، جو سیاحوں اور مقامی افراد میں بے حد مقبول ہے، عام طور پر ہفتہ وار تعطیلات میں لوگوں سے بھرا رہتا ہے۔
سوشل میڈیا پر گردش کرنے والی ویڈیوز میں دیکھا جا سکتا ہے کہ فائرنگ کے دوران لوگ خوفزدہ ہو کر ادھر اُدھر بھاگتے رہے، جبکہ پولیس نے موقع پر کارروائی کرتے ہوئے حملہ آوروں کو قابو میں لیا۔ حکام کے مطابق واقعے کی مکمل تحقیقات جاری ہیں۔
