میکسیکو میں چھوٹا نجی طیارہ (Cessna Citation III) گر کر تباہ ہوگیا، جس کے نتیجے میں 6 افراد ہلاک ہو گئے۔ طیارہ اکاپولکو سے ٹولوکا کے لیے روانہ ہوا تھا، جس میں 8 مسافر اور 2 عملے کے رکن سوار تھے۔
مزید پڑھیں: فلوریڈا میں ہنگامی لینڈنگ کے دوران طیارہ گاڑی سے ٹکرا گیا، خاتون ڈرائیور زخمی
ابتدائی معلومات کے مطابق تصادم کے بعد آگ لگ گئی تھی، تاہم حکام نے آگ پر قابو پالیا ہے۔ مقامی میئر آنا مونیز نے بتایا کہ طیارہ ان کے میونسپلٹی میں واقع ایک صنعتی مقام سے ٹکرا گیا، جو ٹولوکا انٹرنیشنل ایئرپورٹ سے چند میل کے فاصلے پر ہے۔
Sobre el incidente aeronáutico en San Pedro Totoltepec, #Toluca, se informa que el incendio ya fue controlado y se realizan labores de enfriamiento y remoción. pic.twitter.com/YQQCSXhu4O
— Protección Civil del Estado de México (@pciviledomex) December 15, 2025
طیارے کے گرنے کی وجہ فوری طور پر معلوم نہیں ہوسکی۔ حکام نے متاثرہ علاقے کو محفوظ قرار دے دیا اور مقامی باشندوں کو واپس اپنے گھروں کی طرف جانے کی اجازت دی گئی ہے۔
مزید پڑھیں:اسلام آباد ایئرپورٹ پر ٹریفک کنٹرولر کی بروقت مداخلت، غیر ملکی طیارہ حادثے سے بچ گیا
ریسکیو اور حفاظت کے اقدامات میں فائر بریگیڈ، پولیس، نیوی اور نیشنل گارڈ کی ٹیمیں شامل تھیں۔
