سابق وزیرِ اعظم اور پاکستان تحریکِ انصاف کے بانی عمران خان کے بیٹوں قاسم خان اور سلیمان خان کا ایک ویڈیو کلپ سوشل میڈیا پر وائرل ہو رہا ہے جس میں سلیمان خان نے مبینہ طور پر کہا کہ ’میں نے سنا ہے کہ ممکن ہے میرے والد کو قتل کیا جائے، اگر ایسا ہوا تو ہم دونوں بھائی پاکستان جا کر سیاست شروع کر دیں گے‘۔
سلیمان خان کا اعلان 🚨
میں نے سنا ہے کہ ہو سکتا ہے میرے والد کو قتل کیا جائے، آگر ایسا یوا تو ہم دونوں بھائیوں نے فیصلہ کیا ہے کہ ہم پاکستان جا کر سیاست شروع کر دینگے pic.twitter.com/dge9m0dcXq— Faisal Khan (@KaliwalYam) December 17, 2025
ویڈیو کے وائرل ہونے کے بعد سوشل میڈیا صارفین نے اس پر سوالات اٹھائے اور کہا کہ یہ کلپ ممکنہ طور پر ایڈیٹ شدہ ہے اور اے آئی سے تیار کیا گیا ہے کیونکہ دونوں بھائیوں نے اپنے کسی انٹرویو یا بیان میں ایسی کوئی بات نہیں کی۔
🚨 الرٹ
یہ آرٹیفیشل انٹیلیجنس (AI) کلپ ہے ۔
عمران خان کے بیٹوں نے ایسا کوئی اعلان اپنے پورے انٹرویو میں نہیں کیا ہے ۔انصافینز مخالفین کے پروپیگنڈہ کا حصہ مت بنیں ۔ https://t.co/olqUa3Q3gp
— Ahmad Hassan Bobak (@ahmad__bobak) December 17, 2025
واضح رہے کہ امریکی ٹیلی ویژن چینل ’اسکائی نیوز‘ کے پروگرام دی ورلڈ ود یلدا حکیم میں گفتگو کرتے ہوئے قاسم خان نے کہا کہ وہ گزشتہ کئی ماہ سے اپنے والد سے بات نہیں کر سکے، جو اگست 2023 سے جیل میں قید ہیں۔
یہ بھی پڑھیں: عمران خان کو شدید نفسیاتی اذیت کا سامنا، ’ڈیتھ سیل‘ میں قید ہیں، بیٹوں کا دعویٰ
عمران خان کے بیٹوں قاسم خان اور سلیمان خان نے دعویٰ کیا ہے کہ ان کے والد کو جیل میں ’ڈیتھ سیل‘ میں رکھا گیا ہے اور انہیں شدید نفسیاتی اذیت کا سامنا ہے۔ دونوں نے خدشہ ظاہر کیا ہے کہ موجودہ حالات میں شاید وہ اپنے والد کو دوبارہ کبھی نہ دیکھ سکیں۔
قاسم خان کے مطابق عمران خان کو 2 سال سے زائد عرصے سے تنہائی کی کوٹھڑی میں رکھا گیا ہے، جہاں انہیں گندا پانی فراہم کیا جاتا ہے اور وہ ایسے قیدیوں کے درمیان ہیں جو ہیپاٹائٹس جیسے مرض میں مبتلا ہو کر دم توڑ رہے ہیں۔
