امریکی بحریہ نے مشرقِ وسطیٰ میں پہلی بار کم لاگت خودکش ڈرون ’لوکس‘ کا کامیاب تجربہ کیا ہے۔
بحریہ کے مطابق یہ تجربہ انڈی پینڈنس کلاس لِٹورل کامبیٹ شپ یو ایس ایس سانتا باربرا سے کیا گیا، جو مشرق وسطیٰ میں تعینات ہے۔ امریکی بحریہ نے اس کامیابی کو اپنی نوعیت کا پہلا کارنامہ قرار دیا ہے۔
یہ بھی پڑھیں: امریکا کا مشرقِ وسطیٰ میں یکطرفہ حملہ آور ڈرون فورس تعینات کرنے کا اعلان
یہ پیشرفت ایسے وقت سامنے آئی ہے جب 2 ہفتے قبل امریکی فوج نے خطے میں ٹاسک فورس اسکارپین اسٹرائیک ( ٹٰی ایف ایس ایس) کے قیام کا اعلان کیا تھا، جسے لوکس ڈرونز سے لیس کیا گیا ہے۔
سرکاری بیان کے مطابق 16 دسمبر کو امریکی بحریہ کے سینٹرل کمانڈ کی ٹاسک فورس 59 کے اہلکاروں نے یو ایس ایس سانتا باربرا کے فلائٹ ڈیک سے راکٹ کی مدد سے لوکس ڈرون لانچ کیا۔
یہ بھی پڑھیں: ترکی کا ’اسٹیل ڈوم‘: فضائی دفاع کا نیا دور
مشرقِ وسطیٰ میں تعینات لوکس ڈرونز کی تفصیلات فی الحال محدود ہیں، تاہم یہ معلوم ہے کہ اس ڈرون کا ڈیزائن ایرانی شاہد136 ڈرون کی براہِ راست ریورس انجینئرنگ کے ذریعے تیار کیا گیا ہے۔
لوکس ڈرون تقریباً 10 فٹ لمبا اور اس کے پروں کا پھیلاؤ تقریباً 8 فٹ ہے، جو ایرانی ڈرون کے مقابلے میں قدرے چھوٹا ہے۔
