الخدمت ڈائیگناسٹکس کراچی میں تشخیصی ریڈیالوجی کے شعبے کے لیے فیلوز آف کالج آف فزیشنز اینڈ سرجنز پاکستان کے تربیتی و تدریسی پروگرام کی منظوری کے سلسلے میں کالج آف فزیشنز اینڈ سرجنز پاکستان (سی پی ایس پی) کی جانب سے فزیکل انسپیکشن بدھ 24 دسمبر 2025 کو کیا جائے گا۔
سی پی ایس پی کی جانب سے معائنہ
یہ معائنہ سی پی ایس پی کی طرف سے الخدمت ڈائیگناسٹکس کی درخواست پر کیا جا رہا ہے، جس کا مقصد ایف سی پی ایس کی سطح پر تشخیصی ریڈیالوجی کے تربیتی پروگرام کے آغاز کے لیے ادارے کی اہلیت کا جائزہ لینا ہے۔
یہ بھی پڑھیے: الخدمت فاؤنڈیشن کی جانب سے دیوالی پر 1400 ہندو خاندانوں میں تحائف تقسیم
اس معائنہ جاتی وفد کی سربراہی پروفیسر ارشاد وحید، سیکریٹری و قائم مقام رجسٹرار سی پی ایس پیکریں گے۔
معائنہ کے دوران الخدمت ڈائیگناسٹکس میں موجود تعلیمی، تدریسی اور عملی سہولیات کا تفصیلی جائزہ لیا جائے گا۔ اس میں کلینیکل اور تحقیقی سرگرمیوں کے لیے دستیاب جگہ، تکنیکی و انتظامی عملہ، پوسٹ فیلوشپ تجربہ رکھنے والے اساتذہ اور اہل سپروائزرز، جدید طبی آلات، مریضوں کا بوجھ اور کیس مکس شامل ہیں۔
اس کے علاوہ مجوزہ نصاب، اس کے عملی نفاذ کے منصوبے اور تربیتی پروگرام کے قومی معیارات سے ہم آہنگ ہونے کو بھی پرکھا جائے گا۔
الخدمت ڈائیگناسٹکس کی انتظامیہ کو ہدایت کی گئی ہے کہ 24 دسمبر کو معائنہ جاتی عمل کو مؤثر اور سہل بنانے کے لیے تمام ضروری انتظامات مکمل رکھے جائیں۔
الخدمت ڈائیگناسٹکس اور سی پی ایس پی
الخدمت ڈائیگناسٹکس، الخدمت ویلفیئر سوسائٹی کا ایک فلاحی منصوبہ ہے جو کراچی میں معیاری، مستند اور قابلِ اعتماد تشخیصی سہولیات فراہم کر رہا ہے۔
یہ بھی پڑھیے: الخدمت فاؤنڈیشن کی ’اسموگ فری لاہور‘ مہم، 10 ہزار پودے فلسطینی شہدا کے نام
کالج آف فزیشنز اینڈ سرجنز پاکستان ملک کا ایک معتبر ادارہ ہے جو پوسٹ گریجویٹ میڈیکل تعلیم اور تربیتی پروگرامز کی منظوری اور نگرانی کی قومی سطح پر ذمہ داری انجام دیتا ہے۔
