پاکستان مسلم لیگ ن کے قائد و سابق وزیراعظم نواز شریف نے انصاف کی فراہمی میں عدلیہ پر تنقید کرتے ہوئے کہا ہے کہ چند ججز بضد ہیں کہ ہر صورت ہم نے 140 وہں نمبر پر پہنچنا ہے۔
سماجی رابطے کی ویب سائٹ پر ایک ایک ٹوئٹ میں نواز شریف نے کہا کہ عدلیہ نے نظریہ ضرورت ایجاد کیا اور ڈکٹیٹروں کو خوش آمدید کہتے ہوئے آمریت کو قانونی جواز فراہم کیا گیا۔
عدلیہ نے نظریہ ضرورت ایجاد کیا
ڈکٹیٹروں کو خوش آمدید کہا
آمریت کو قانونی جواز فراہم کیا
لاڈلے کو صادق و امین کا سرٹیفکیٹ دیا
جبکہ منتخب وزیراعظموں کو پھانسی دی
جھوٹے مقدموں میں جیلوں میں ڈالا
بیٹے سے تنخواہ نہ لینے پر تاحیات نااہل کیا
اور اب بینچ فکسنگ کر کے آئین کو…— Nawaz Sharif (@NawazSharifMNS) May 24, 2023
انھوں نے کہا کہ ججز نے لاڈلے کو صادق و امین کا سرٹیفکیٹ دیا جب کہ منتخب وزرائے اعظم کو پھانسی دی گئی اور جھوٹے مقدمات میں جیل میں ڈالا گیا۔ بیٹے سے تنخواہ نہ لینے پر نا اہل کیا گیا۔
نواز شریف کا کہنا تھا کہ آئین کو دوبارہ لکھا گیا اور اب بینچ فکسنگ کی جا رہی ہے۔ بد قسمتی ہے کہ ہمارا نظام انصاف 140 ممالک میں سے 129 ویں نمبر پر ہے۔
سابق وزیراعظم نے کہا کہ ہمارے چند معزز اور عزت مآب ججز بضد ہیں کہ ہم نے ہر صورت 140 نمبر پر ہی پہنچنا ہے۔
