پاکستان تحریک انصاف (پی ٹی آئی) کے سینیئر رہنما عمر ڈار کو سیالکوٹ میں احتجاجی ریلی سے گرفتار کرلیا گیا۔
عمر ڈار عمران خان اور بشریٰ بی بی کو سنائی گئی سزا کے خلاف احتجاجی ریلی میں شریک تھے، جہاں ان کی والدہ ریحانہ ڈار بھی ان کے ہمراہ تھیں۔
عمران خان کو دی گئی سیاسی اور انتقامی سزا کے خلاف پرامن احتجاج کرنا اگر جرم ہے تو پھر یہ جرم ہم سب کریں گے۔ جعلی اور جھوٹی سزا کے خلاف آواز اٹھانے پر میرے بیٹے عمر ڈار کو گرفتارکر لیا گیا ہے۔
یہ گرفتاری کسی ایک فرد کے خلاف نہیں، یہ ہر اس آواز کے خلاف ہے جو جعلی فیصلوں، جھوٹے… pic.twitter.com/ChddNXO9rG
— Rehana Dar (@RehanaImtiazDar) December 21, 2025
بعد ازاں ریحانہ ڈار نے سوشل میڈیا پر اپنے ایک بیان میں کہاکہ عمران خان اور بشریٰ بی بی کو جعلی اور جھوٹی سزا کے خلاف آواز اٹھانے پر میرے بیٹے عمر ڈار کو گرفتارکر لیا گیا ہے۔
انہوں نے کہاکہ یہ گرفتاری کسی ایک فرد کے خلاف نہیں، یہ ہر اس آواز کے خلاف ہے جو جعلی فیصلوں، جھوٹے مقدمات اور مسلط کردہ نظام کو چیلنج کرے۔
ریحانہ ڈار نے کہاکہ جب عدالتوں کے فیصلے کمزور ہوں، دلائل ختم ہو جائیں اور سچ سے خوف پیدا ہو جائے تو پھر ہتھکنڈے، گرفتاریاں اور دھمکیاں ہی آخری سہارا رہ جاتی ہیں۔
انہوں نے کہاکہ ظلم کے خلاف احتجاج بغاوت قرار دیا جا رہا ہے لیکن یاد رکھیں کارکنوں کو گرفتار کرنے سے تحریکیں دفن نہیں ہو سکتیں۔
ان کا کہنا تھا کہ یہ ظلم جتنا بڑھاؤ گے، اس کے خلاف مزاحمت اتنی ہی مضبوط ہو گی۔ عمران خان کے ساتھ کھڑے تھے، آج بھی کھڑے ہیں اور ہر قیمت پر کھڑے رہیں گے۔
