مونٹی نیگرو کے ایک مشہور اسکی ریزورٹ میں پیش آنے والے دلخراش حادثے میں جرمنی کے سابق فٹبالر سیباسٹین ہرٹنر جان کی بازی ہار گئے۔ اس افسوسناک واقعے نے فٹبال کی دنیا کو سوگ میں مبتلا کر دیا، جبکہ حادثے کے وقت ان کی اہلیہ بھی شدید زخمی ہو گئیں۔
🚨 German footballer Sebastian Hertner dies after falling 70 meters from a chairlift during a ski holiday in Montenegro.
· Sebastian Hertner, 34, fell about 70 meters when a chairlift he was riding at the Savin Kuk ski resort in northern Montenegro suddenly detached, causing him… pic.twitter.com/go1E9amnhQ
— The Touchline | 𝐓 (@TouchlineX) December 24, 2025
انٹرنیشنل میڈیا کے مطابق 34 سالہ سیباسٹین ہرٹنر مونٹی نیگرو کے شمالی علاقے ژابلیاک کے قریب ساوِن کُک اسکی ریزورٹ میں اپنی اہلیہ کے ہمراہ اسکی لفٹ پر سوار تھے کہ اچانک لفٹ کی کرسی کیبل سے الگ ہو گئی اور پیچھے آنے والی نشست سے ٹکرا گئی۔ اس کے نتیجے میں سیباسٹین ہرٹنر تقریباً 70 میٹر کی بلندی سے نیچے جا گرے اور موقع پر ہی جاں بحق ہو گئے۔
یہ بھی پڑھیں:ایکوڈور کا معروف فٹبالر ماریو پینیڈا قاتلانہ حملے میں جان کی بازی ہار گیا
عینی شاہدین کے مطابق حادثے کے مناظر انتہائی ہولناک تھے۔ ہرٹنر کی 30 سالہ اہلیہ نے اپنے شوہر کو اپنی آنکھوں کے سامنے گرتے دیکھا۔ وہ خود لفٹ میں پھنس گئیں اور ان کی ٹانگ ٹوٹ گئی۔ ریسکیو ٹیموں نے کئی گھنٹوں بعد انہیں بحفاظت نیچے اتارا، جس کے بعد انہیں اسپتال منتقل کیا گیا۔
Ex-Germany defender Sebastian Hertner dies after a ski lift malfunction in Montenegro.https://t.co/rMTPipSWYF pic.twitter.com/QsKyEZnq8n
— Posh Reporters (@poshreportersng) December 24, 2025
حادثے کے باعث کم از کم 3 دیگر سیاح بھی لفٹ میں ہوا میں معلق رہے، جنہیں بعد ازاں ریسکیو اہلکاروں نے محفوظ مقام پر منتقل کیا۔ مونٹی نیگرو حکام نے واقعے کے بعد اسکی لفٹ بند کر دی ہے اور حادثے کی وجوہات جاننے کے لیے مکمل تحقیقات شروع کر دی گئی ہیں۔
فٹبال کیریئر
سیباسٹین ہرٹنر جرمن فٹبال کے نچلے درجوں میں ایک نمایاں ڈیفینڈر کے طور پر جانے جاتے تھے۔ انہوں نے ٹی ایس وی 1860 میونخ، ارزگیبرگ آؤئے اور ایس وی ڈارم اشٹاٹ 98 جیسے کلبز کے لیے کھیلا۔ بعد ازاں وہ جرمنی کی اوبرلیگا میں کھیلنے والے کلب ای ٹی ایس وی ہیمبرگ کے کپتان بنے۔
یوتھ کیریئر کے دوران انہوں نے جرمنی کی انڈر 18 اور انڈر 19 ٹیموں کی نمائندگی بھی کی، جہاں وہ 2014 کے ورلڈ کپ فاتح کرسٹوف کریمر کے ساتھ کھیلے۔ سیباسٹین ہرٹنر نے 7 برس وی ایف بی شٹٹگارٹ کی اکیڈمی میں گزارے اور ریزرو ٹیم کے لیے تھرڈ ڈویژن میں 65 میچز کھیلے۔
فٹبال برادری کا ردعمل
ای ٹی ایس وی ہیمبرگ نے انسٹاگرام پر اپنے کپتان کی موت پر گہرے دکھ کا اظہار کرتے ہوئے کہا کہ وہ اس المناک حادثے پر شدید صدمے میں ہیں اور مرحوم کے اہل خانہ سے دلی ہمدردی کا اظہار کرتے ہیں۔ وی ایف بی شٹٹگارٹ نے بھی تعزیتی پیغام جاری کرتے ہوئے سیباسٹین ہرٹنر کو ایک محنتی اور وفادار کھلاڑی قرار دیا۔
La tragedia sacudió al fútbol alemán: falleció Sebastian Hertner, exjugador profesional, al caer desde una aerosilla en una estación de esquí del norte de Montenegro. El hecho ocurrió mientras disfrutaba de unos días de descanso y generó una fuerte conmoción en el ambiente… pic.twitter.com/ZeQ5Lf51ij
— TyC Sports (@TyCSports) December 23, 2025
یہ سانحہ ایک خاندان کے لیے ناقابلِ تلافی نقصان ہے اور فٹبال کی دنیا ایک ایسے کھلاڑی سے محروم ہو گئی ہے جسے ساتھی اور شائقین ہمیشہ یاد رکھیں گے۔
