بھارت نے پاکستانی سرحد کے قریب انڈین گجرات میں فضائی مشقوں کا اعلان کیا ہے۔ ان مشقوں کے دوران فرنٹ لائن لڑاکا طیارے حصہ لیں گے اور محدود فضائی زون میں تربیتی کارروائیاں کی جائیں گی۔
India issues a notification reserving airspace for an Indian Airforce Exercise near the southern section of its border with Pakistan
Date: 20-21 January 2026 pic.twitter.com/bas6mBl2XV
— Damien Symon (@detresfa_) December 30, 2025
بھارتی ایئر فورس نے 20 جنوری سے 21 جنوری تک پاکستانی سرحد کے قریب گجرات کے علاقے کچھ میں بڑے پیمانے پر فضائی مشقیں کرنے کا نوٹس جاری کر دیا ہے۔ اس دوران متعلقہ فضائی حدود کو بین الاقوامی پروازوں کے لیے بند کر کے صرف ایئر فورس کی مشقوں کے لیے مخصوص کیا جائے گا۔
یہ بھی پڑھیں:دریائے چناب میں پانی کی سطح کم، بھارت پاکستانی خط کا جواب نہ دے کر سندھ طاس معاہدے کی خلاف ورزی کا مرتکب
میڈیا رپورٹس کے مطابق ان مشقوں میں رافیل، سخوئی 30 ایم کے آئی، جیگوار اور دیگر فرنٹ لائن لڑاکا طیارے حصہ لیں گے۔ مشقوں میں تیز رفتار پروازیں، ہوائی لڑائی کی تربیت اور ممکنہ طور پر لائیو فائرنگ یا بمباری کی مشق شامل ہوگی۔
بھارتی میڈیا کے مطابق محدود فضائی زون پاکستان کے ساتھ بھارت کی جنوبی سرحد کے حساس علاقے پر محیط ہے، جس میں بحیرہ عرب، سر کریک، راجکوٹ اور احمد آباد کے نزدیکی علاقے شامل ہیں۔
