نیدرلینڈز کرکٹ ٹیم نے آئندہ آئی سی سی مینز ٹی20 ورلڈ کپ کے لیے اپنے تجربہ کار کھلاڑیوں پر مشتمل اسکواڈ کا اعلان کر دیا ہے۔ ٹیم انتظامیہ نے اہم عالمی ایونٹ سے قبل آزمودہ اور سینیئر کھلاڑیوں پر اعتماد کرتے ہوئے متوازن دستہ منتخب کیا ہے۔
اسکواڈ کی قیادت اسکاٹ ایڈورڈز کو سونپی گئی ہے، جو وکٹ کیپر بیٹر کے طور پر بھی ٹیم کا اہم حصہ ہیں۔ دیگر نمایاں کھلاڑیوں میں کولن ایکرمین، باس ڈی لیڈے، میکس اوڈاؤڈ، فریڈ کلاسین، پال فان میکرین، لوگن فان بیک اور روئلوف فان ڈیر مروے شامل ہیں۔
یہ بھی پڑھیے: آئرلینڈ نے آئی سی سی ٹی20 ورلڈ کپ کے لیے 15 رکنی اسکواڈ کا اعلان کر دیا
نوجوان اور ابھرتی صلاحیتوں کو بھی موقع دیا گیا ہے، جن میں آریان دت، زیک لیون-کاشے، مائیکل لیوٹ اور ساقب ذوالفقار نمایاں ہیں، جو ٹیم کے توازن کو مزید مضبوط بناتے ہیں۔
Netherlands back their experienced core as they gear up for the #T20WorldCup 💪
Read more 👉 https://t.co/rcFFYoQozu pic.twitter.com/Y9CWQW4m2K
— T20 World Cup (@T20WorldCup) January 12, 2026
واضح رہے کہ آئی سی سی ٹی20 ورلڈکپ 7 فروری سے بھارت اور سری لنکا میں شروع ہو رہا ہے۔ ایونٹ میں پاکستان گروپ اے میں شامل ہے جسکی تمام میچز سری لنکا میں ہوں گی۔
