پاکستان کرکٹ بورڈ نے پاکستان اور آسٹریلیا کے درمیان 3 میچوں پر مشتمل ٹی20 انٹرنیشنل سیریز کے ٹکٹوں کی فروخت اور دستیابی کا باضابطہ اعلان کر دیا ہے۔
یہ میچز 29، 31 جنوری اور 1 فروری 2026 کو قذافی اسٹیڈیم، لاہور میں شام کے وقت کھیلیں جائیں گے، جس کے لیے آسٹریلوی ٹیم 28 جنوری کو لاہور پہنچے گی۔
یہ بھی پڑھیں: پاکستانی کرکٹ شائقین کے لیے بڑی خبر، آسٹریلیا کے خلاف ٹی 20 سیریز کا شیڈول جاری
پی سی بی کے مطابق مذکورہ سیریز کی آن لائن ٹکٹیں 16 جنوری سے pcb.tcs.com.pk پر دستیاب ہوں گی، جبکہ فزیکل ٹکٹیں 19 جنوری سے ٹی سی ایس ایکسپریس سینٹرز سے خریدی جا سکتی ہیں۔
Tickets for Pakistan 🆚 Australia T20I series to go on sale from 16 January 📢
🎟️ Physical tickets can be bought at TCS Express Centres from 19 January 🏟️
🔗 https://t.co/r1Y5gXriiG#PAKvAUS | #BackTheBoysInGreen pic.twitter.com/S2nsvjan4m
— Pakistan Cricket (@TheRealPCB) January 15, 2026
اعلامیے کے مطابق، 29 جنوری کو کھیلے جانیوالے پہلے میچ کے ٹکٹوں کی قیمت بقیہ 2 میچوں کے مقابلے میں نسبتاً کم رکھی گئی ہے، اس روز کے وی آئی پی ٹکٹ کی قیمت 800 روپے، پریمیئم 600، فرسٹ کلاس 500، جنرل 400، وی آئی پی فار اینڈ 1500 روپے رکھی گئی ہیں۔
جبکہ اسی روز قذافی اسٹیڈیم وی آئی پی نیو پویلین کا ٹکٹ 2000 جبکہ ہوسپٹالٹی گیلری کا ٹکٹ 5000 روپے میں دستیاب ہوگا۔
مزید پڑھیں: اسکرین پر پاکستان کا نام نامناسب انداز سے دکھائے جانے پر کرکٹ آسٹریلیا کی معذرت
پی سی بی کے مطابق 31 جنوری اور یکم فروری کے میچز کے لیے وی آئی پی ٹکٹ کی قیمت 1000، پریمیئم 700، فرسٹ کلاس 600، جنرل 500، وی آئی پی فار اینڈ 2000، وی آئی پی نیو پویلین 2500 جبکہ ہوسپٹالٹی گیلری کے ٹکٹ کی قیمت 6000 روپے مقرر کی گئی ہے۔
پاکستان کرکٹ بورڈ کی جانب سے شائقین کو مشورہ دیا گیا ہے کہ وہ جلد ٹکٹیں خرید لیں کیونکہ میچز شائقین کے لیے انتہائی دلچسپی کا باعث ہیں، خصوصاً ٹی20 ورلڈ کپ 2026 سے قبل دونوں ٹیموں کے لیے یہ اہم مشقیں ہیں۔
مزید پڑھیں: ٹی 20 کرکٹ: ڈوپلیسی نے بابر اعظم کو پیچھے چھوڑ دیا
مفت داخلہ یا خصوصی رعایت اس سیریز میں نہیں ہے، البتہ مختلف انکلوژرز کی قیمتیں شائقین کے لیے نسبتاً مناسب رکھی گئی ہیں، تاکہ زیادہ سے زیادہ لوگوں کو اس ہائی-وولٹیج مقابلے کا حصہ بنایا جا سکے۔
