چیئرمین تحریک انصاف عمران خان نے کہا ہے کہ اگر کسی کو شک ہے کہ جیلوں میں خواتین کے ساتھ بدسلوکی نہیں کی جا رہی تو وزیر داخلہ کی پریس کانفرنس سے یہ شکوک و شبہات دور ہو جانے چاہئیں۔
وفاقی وزیر داخلہ رانا ثناء اللہ کی پریس کانفرنس پر اپنے رد عمل میں سابق وزیر اعظم عمران خان نے اپنے ٹوئیٹ میں کہا ہے کہ خواتین کے ساتھ کبھی بھی ریاست کی طرف سے اتنا برا سلوک اور ہراساں نہیں کیا گیا جتنا اس فاشسٹ حکومت نے کیا ہے، یہ خواتین پُر امن احتجاج کر رہی تھیں۔
عمران خان نے کہا کہ اگر کسی کو شک ہے کہ جیلوں میں خواتین کے ساتھ بدسلوکی نہیں کی جا رہی تو اس سند یافتہ مجرم کی پریس کانفرنس سے یہ شک دور ہو جانا چاہیے۔ یہ شخص واضح طور پر خوفناک کہانیوں کو چھپانے اور ان کے برعکس حقائق میڈیا کے سامنے پیش کرنے کی کوشش کر رہا ہے۔
If there were any doubts about women being mistreated in jails, this press conference from this certified criminal should remove all such doubts.
He is so obviously trying to cover up and preempt the horror stories about to break in the media.
Women have never been so… pic.twitter.com/ig06rvsdsl
— Imran Khan (@ImranKhanPTI) May 28, 2023
واضح رہے کہ وفاقی وزیر داخلہ رانا ثناء اللہ نے گزشتہ رات پریس کانفرنس میں کہا تھا کہ انٹیلی جنس ایجنسیوں نے ایک ٹیلی فون کال ریکارڈ کی ہے جس میں یہ منصوبہ بندی کی جا رہی تھی کہ پی ٹی آئی کے کسی رہنما کے گھر پر جعلی چھاپا مارا جائے گا، جہاں فائرنگ بھی ہو گی جب کہ دوسری پلاننگ میں ریپ کا ذکر ہے۔
وزیر داخلہ کا کہنا تھا کہ اس منصوبہ بندی کا مقصد یہ تھا کہ ریپ کا الزام قانون نافذ کرنے والے اداروں پر لگا کر معاملہ عالمی سطح پر اٹھایا جائے۔
