چیئرمین تحریک انصاف عمران خان نے پارٹی رہنماؤں عمر ایوب اور شہزاد اکبر کے گھروں پر پولیس کے چھاپے پر اپنے رد عمل میں کہا ہے کہ ہمارے بنیادی حقوق کا تحفظ کرنے والا کوئی نہیں، پی ڈی ایم کی حکومت اللہ کے غضب سے ڈرے جِسے وہ اپنے فسطائی اقدامات سے دعوت دے رہی ہے۔
مائیکروبلاگنگ سائٹ ٹوئٹر پر اپنے پیغام میں چیئرمین تحریک انصاف عمران خان نے کہا کہ حکام کی جانب سے علی نواز اعوان کی رہائشگاہ کو منہدم کرنے اور ان کے گھر کے مرکزی دروازے کو گرانے کے لیے کی جانے والی افسوسناک اور نہایت بزدلانہ کارروائی کی شدید مذمت کرتا ہوں۔ ان کی ضعیف والدہ اور ہمشیرہ معذوری کے باعث اس رہائشگاہ میں مقیم ہیں، ان کا شمار خصوصی افراد میں ہوتا ہے۔
عمران خان نے کہا اب تک کے اقدامات سے یہ تو ثابت ہوتا ہے کہ پی ڈی ایم کی حکومت اخلاقیات نام کی کسی چیز سے واقف نہیں مگر کم از کم اللہ کے غضب سے تو ڈرے جِسے وہ اپنے فسطائی اقدامات کے ذریعے دعوت دے رہی ہے۔
حکام کی جانب سے علی نواز اعوان کی رہائشگاہ کو منہدم کرنے اور ان کے گھر کے مرکزی دروازے کو گرانےکے لیے کی جانےوالی افسوسناک اور نہایت بزدلانہ کارروائی کی شدید مذمت کرتا ہوں۔
ان کی ضعیف والدہ اور ان کی ہمشیرہ، معذوری کے باعث جن کا شمار خصوصی افراد میں ہوتا ہے، اس رہائشگاہ میں مقیم…
— Imran Khan (@ImranKhanPTI) May 28, 2023
اپنے ایک اور ٹوئیٹ میں عمران خان نے کہا کہ عمر ایوب اور شہزاد اکبر کے گھروں پر رات کو چھاپے مارے گئے۔ ہم آج تاریک دور میں جی رہے ہیں جہاں آئین کی خلاف ورزی کی گئی اور عدالتی فیصلوں کی کھلم کھلا دھجیاں اڑائی گئیں۔
انہوں نے کہا کہ بغیر وارنٹ کے گھروں کو توڑا گیا اور توڑ پھوڑ کی گئی، میڈیا کا منہ چڑایا گیا، ہمارے بنیادی حقوق کا تحفظ کرنے والا کوئی نہیں۔
There were raids at night on Omar Ayub and Shahzad Akbar’s (he’s not even in the country) houses.
Today we are living in dark ages.. Constitution violated, court decisions openly flouted, houses broken in without warrant and smashed, media muzzled and no one to protect our…— Imran Khan (@ImranKhanPTI) May 28, 2023
