سابق وزیراعظم پاکستان عمران خان کی گرفتاری کے بعد ملک گیر احتجاج کےد وران جناح ہاؤس پر حملے کی مرکزی ملزمہ خدیجہ شاہ جو سابق وزیر خزانہ سلمان شاہ کی صاحبزادی بھی ہیں، خدیجہ شاہ کو 24 مئی کو انسداد دہشت گردی عدالت میں پیش کیا گیا تھا جس کے بعد عدالت نے انھیں 7 دن کے لیے شناخت پریڈ پر جیل بھیجنے کا حکم دیا تھا۔ خدیجہ شاہ کوٹ لکھپت جیل میں30 مئی تک جوڈیشل ریمانڈ پر ہیں۔
سوشل ٹائم لائنز پر کافی دنوں سے خدیجہ شاہ موضوع گفتگو ہیں لیکن حال ہی میں ان کی ایک ویڈیو وائرل ہوئی جس میں وہ نو مئی کو ہونے والے واقعات کے حوالےسے معافی مانگ رہی ہیں۔ ویڈیو میں خدیجہ شاہ کا کہنا تھا کہ میں پچھلے کئی دنوں میں ہونے والے واقعات سے بہت غمزدہ ہوں، میں ایک آرمی فیملی سے تعلق رکھتی ہوں ، پچھلے دنوں جو آرمی تنصیبات اور شہدا کی یادگاروں کے ساتھ ہوا اس کو دیکھ کر میرا دل دہل گیا ہے، میں نے بھی ایک ٹویٹ کی جو میں نے اسی وقت ڈیلیٹ کردی اور میں اس ٹویٹ کے لیے معافی مانگتی ہوں۔
جبکہ اس حوالے سے حکومتی ذرائع کا کہنا ہے کہ خدیجہ شاہ نے یہ بیان گرفتاری سے قبل دیا تھا۔ذرائع کے مطابق انہیں امید تھی کہ اس ریکارڈ کی کئی معذرت سے انہیں معافی مل جائے گئ تاہم قانون سب کے لیے برابر ہے اور خدیجہ شاہ ابھی بھی گرفتار ہیں۔
سوشل میڈیا پر یہ ویڈیو وائرل ہوئی تو صارفین کی جانب سے شدید تنقید کا نشانہ بنایا گیا صحافی طلعت حسین نے لکھا معافی کی ایسی سہولت اور یہ انداز سب کو مہیا ہونا چاہئے۔ غریب کے بچے اور بچیاں بھی موبائل سے پڑھیں اور پھر مکمل عدم دلچسپی سے بیان ختم کر کے گھروں میں جائیں۔ دو معیار نہ بنائیں سب کو چھوڑ دیں۔
معافی کی ایسی سہولت اور یہ انداز سب کو مہیا ہونا چاہئے۔ غریب کے بچے اور بچیاں بھی موبائل سے پڑھیں اور پھر مکمل عدم دلچسپی سے بیان ختم کر کے گھروں میں جائیں۔ دو معیار نہ بنائیں سب کو چھوڑ دیں۔ pic.twitter.com/JEyR5Clxbl
— Syed Talat Hussain (@TalatHussain12) May 28, 2023
گفتگو مزید آگے بڑھی تو ایک صارف نے تبصرہ کرتے ہوئے لکھا ساری لڑائ ہی اس دھرے معیار کی ہے۔ پاکستان کا بیڑا اسی دھرے معیار کی وجہ سے ہے۔ پورے معاشرے کو ان کے حوالے کر دیا گیا ہے جن کے پاس مال اور تعلقات ہیں
پاکستان میں آج تک کسی طاقت ور کو سزا نہیں ملی خواہ اس کا تعلق معاشرے کے کسی بھی با اثر طبقے سے ہو اس میں فوج عدلیہ سیاستدان میڈیا یا بیوروکریسی ہو
اتنی “چور” بازاری دنیا میں کم ہی ملکوں میں پائی جاتی ہے۔
ساری لڑائ ہی اس دھرے معیار کی ہے۔ پاکستان کا بیڑا اسی دھرے معیار کی وجہ سے ہے۔ پورے معاشرے کو ان کے حوالے کر دیا گیا ہے جن کے پاس مال اور تعلقات ہیں
پاکستان میں آج تک کسی طاقت ور کو سزا نہیں ملی خواہ اس کا تعلق معاشرے کے کسی بھی با اثر طبقے سے ہو اس میں فوج عدلیہ سیاستدان میڈیا…— Rashid Bhatti (@Aarby5300) May 28, 2023
جہاں صارفین انصاف کے دہرے معیار کو تنقید کا نشانہ بناتے ہوئے نظر آئے وہی کچھ صارفین خدیجہ شاہ کا انگریزی میں معافی نامہ ناگوار گزرا، ایک صارف نے تبصرہ کرتے ہوئے لکھا آپ اپنی قومی زبان میں کہہ سکتی تھیں اور کم از کم اپنی شرمندگی میں کچھ اصلیت تو رکھتیں۔ اس میں دکھایا گیا ہے کہ کسی نے اسے واٹس ایپ بھیجا اور اسے جلدی سے پڑھنے کو کہا ہے۔،
Acha ji… you could have said that in your national language and at least have some originality in your resentment. It shows someone sent her WhatsApp and asked her to read that quickly
— Hussain Mohammad (@justhussaino) May 28, 2023
جہاں صارفین خدیجہ شاہ کو تنقید کا نشانہ بناتے نظر آئے وہی کچھ صارفین کو یہ ویڈیو پرانی لگی ایک صارف نے پوچھا کیا اسے چھوڑ دیا گیا ہے یا یہ گرفتاری سے پہلے کی ویڈیو ہے؟ جبکہ ایک صارف نے تبصرہ کرتے ہوئے لکھا خدیجہ شاہ کا گرفتارئ دینے سے قبل ویڈیو بیان سامنے آگیا۔ پاکستان کے اداروں پر اپنے الفاظ کو واپس لینے اور پاکستان کے لیے مل کر چلنے کے عزم کا اظہار کر دیا
خدیجہ شاہ کا گرفتارئ دینے سے قبل ویڈیو بیان سامنے آگیا۔ پاکستان کے اداروں پر اپنے الفاظ کو واپس لینے اور پاکستان کے لیے مل کر چلنے کے عزم کا اظہار کر دیا
— Saim (@Saim000123) May 28, 2023
واضح رہے کہ جناح ہاؤس لاہور میں جلاؤ گھیراؤ اور توڑ پھوڑ کے کیس میں خدیجہ شاہ کو 24 مئی کو انسداد دہشت گردی عدالت میں پیش کیا گیا تھا جس کے بعد عدالت نے انھیں 7 دن کے لیے شناخت پریڈ پر جیل بھیجنے کا حکم دیا تھا۔
