پاکستان کے سابق نائب اسپیکر اور پاکستان تحریک انصاف کے سینیئر رہنما قاسم خان سوری نے بتایا ہے کہ مالی مشکلات کی وجہ سے وہ اب امریکا میں اوبر ڈرائیونگ کر کے اپنا گزارا کر رہے ہیں۔ انہوں نے کہا کہ انہوں نے ہمیشہ ایمانداری کو ترجیح دی اور اب بھی عمران خان کے نظریے کے ساتھ جڑے ہوئے ہیں۔
یہ بھی پڑھیں:لندن کی پہلی الیکٹرک ایئر ٹیکسی سروس کا آغاز کب ہوگا؟
میڈیا رپورٹ کے مطابق قاسم سوری نے نے گفتگو میں کہا کہ وہ مالی مشکلات کا سامنا کر رہے ہیں اور کبھی سوچا بھی نہیں تھا کہ انہیں اوبر جیسا کام کرنا پڑے گا۔ میں نے چوری کی راہ اختیار کرنے کی بجائے ایمانداری کو منتخب کیا۔
انہوں نے اپنے سیاسی مؤقف پر زور دیتے ہوئے کہا کہ وہ اب بھی تحریک انصاف کے نظریے کے ساتھ کھڑے ہیں اور پاکستان میں انصاف اور سیاسی حقوق کے لیے جدوجہد جاری رکھے ہوئے ہیں، خاص طور پر عمران خان اور ان کے خاندان کے قانونی مسائل کے حوالے سے۔
یہ بھی پڑھیں:قاسم سوری اور شاہد آفریدی میں جھگڑا کیا ہے؟
انہوں نے بتایا کہ 2018 سے پہلے وہ کوئٹہ میں اپنے گھر پر اعلی سیاسی شخصیات جیسے عمران خان اور ڈاکٹر عارف علوی کو بھی مہمان بنایا کرتے تھے، اور خود کو ایک درمیانے طبقے کا پاکستانی قرار دیا جو عزت کے ساتھ اور ایمانداری سے زندگی گزارتا ہے۔
