ٹی20 ورلڈ کپ 2026 کے 11ویں میچ میں نیوزی لینڈ نے متحدہ عرب امارات کو 10 وکٹوں سے شکست دے دی۔ میچ میں یو اے ای نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 173 رنز اسکور کیے، جس کے جواب میں کیویز نے ہدف 15.2 اوورز میں بغیر کسی نقصان کے حاصل کرلیا۔
یہ بھی پڑھیں: ٹی 20 ورلڈ کپ 2026: جنوبی افریقہ نے کینیڈا کو 57 رنز سے شکست دے دی
یو اے ای کی جانب سے کپتان محمد وسیم نے عمدہ بیٹنگ کرتے ہوئے ناقابل شکست 66 رنز بنائے، جبکہ علی شان شرافو نے 55 رنز کی ذمہ دارانہ اننگز کھیلی۔ مایانک کمار نے 21 رنز کا اضافہ کیا۔ دیگر بلے باز خاطر خواہ کارکردگی نہ دکھا سکے۔
نیوزی لینڈ کی جانب سے میٹ ہینری نے 2 وکٹیں حاصل کیں، جبکہ جیکب ڈفی، لاکی فرگوسن، مچل سانٹنر اور گلین فلپس نے ایک ایک وکٹ حاصل کی۔
جواب میں نیوزی لینڈ کے اوپنرز ٹم سیفرٹ اور فن ایلن نے شاندار آغاز فراہم کیا اور یو اے ای کے بولرز کو کسی قسم کا موقع نہ دیا۔ ٹم سیفرٹ نے 42 گیندوں پر ناقابل شکست 89 رنز بنائے جس میں 12 چوکے اور 3 چھکے شامل تھے، جبکہ فن ایلن نے 50 گیندوں پر 84 رنز اسکور کیے۔
یہ بھی پڑھیں:ٹی20 ورلڈ کپ 2026: پاکستانی کرکٹر احسان عادل جسدیپ سنگھ کے متبادل کے طور پر امریکی اسکواڈ میں شامل
دونوں اوپنرز نے پہلی وکٹ کے لیے 175 رنز کی ناقابل شکست شراکت قائم کی اور ٹیم کو باآسانی فتح سے ہمکنار کیا۔
یو اے ای کی جانب سے کوئی بھی بولر وکٹ حاصل نہ کرسکا، تاہم حیدر علی نے نسبتاً بہتر بولنگ کرتے ہوئے 4 اوورز میں 27 رنز دیے۔
