عالمی یومِ ریڈیو کے موقع پر منعقد ہونے والا انٹر یونیورسٹی ڈیجیٹل کانٹینٹ کری ایشن مقابلہ کامیابی کے ساتھ اختتام پذیر ہو گیا۔ یہ مقابلہ رفاہ انٹرنیشنل یونیورسٹی کے شعبہ ابلاغ (رفاہ انسٹیٹیوٹ آف میڈیا سائنسز) اور ریڈیو پاکستان راولپنڈی کے اشتراک سے منعقد ہوا، جس میں جڑواں شہروں کی مختلف جامعات کے طلبہ و طالبات نے بھرپور حصہ لیا۔
یہ بھی پڑھیں:معروف نیوز کاسٹر عشرت فاطمہ نے پی ٹی وی کے بعد ریڈیو پاکستان کو الوداع کہہ دیا، سوشل میڈیا پر خصوصی پیغام
اختتامی تقریب میں رفاہ انٹرنیشنل یونیورسٹی کے وائس چانسلر پروفیسر ڈاکٹر انیس احمد، ڈائریکٹر پروگرامز ریڈیو پاکستان مس مسرت شارخ، اسٹیشن ڈائریکٹر ریڈیو پاکستان راولپنڈی عاطف اپنی ٹیم کے ہمراہ شریک ہوئے، جبکہ اساتذہ، میڈیا پروفیشنلز اور طلبہ کی بڑی تعداد بھی موجود تھی۔
طلبہ کی تخلیقی صلاحیتوں کی ستائش
تقریب سے خطاب کرتے ہوئے ہیڈ آف ڈیپارٹمنٹ رفاہ انسٹیٹیوٹ آف میڈیا سائنسز ڈاکٹر ریاض عادل نے کہا کہ ریڈیو پاکستان ایک قومی اثاثہ ہے جو قومی اور ملی تشخص کے فروغ میں اہم کردار ادا کر رہا ہے۔ انہوں نے کامیاب ہونے والے طلبہ و طالبات کو مبارکباد دی اور کہا کہ نوجوانوں کی تخلیقی صلاحیتیں ملک کے روشن مستقبل کی ضمانت ہیں۔
یہ بھی پڑھیں:راولپنڈی کی رفاہ یونیورسٹی میں منفرد نمائش کا انعقاد
وائس چانسلر پروفیسر ڈاکٹر انیس احمد نے خطاب میں ریڈیو کی تاریخی اور سماجی اہمیت پر روشنی ڈالی۔ انہوں نے کہا کہ ریڈیو نے قیامِ پاکستان سے قبل اور بعد میں عوام کی آواز بن کر قومی یکجہتی اور آگاہی میں کلیدی کردار ادا کیا ہے۔ انہوں نے طلبہ کو ہدایت کی کہ ڈیجیٹل دور میں بھی ریڈیو جیسے مؤثر میڈیم کی اہمیت کو سمجھیں اور ذمہ دارانہ ابلاغ کو فروغ دیں۔
ریڈیو پاکستان کا تعاون اور اشتراک
ڈائریکٹر پروگرامز ریڈیو پاکستان مس مسرت شارخ نے کہا کہ پاکستان میں ابلاغ کا سب سے مضبوط اور مؤثر ذریعہ آج بھی ریڈیو ہے۔ انہوں نے رفاہ انسٹیٹیوٹ آف میڈیا سائنسز اور ریڈیو پاکستان راولپنڈی کے اشتراک کو سراہا اور کہا کہ اس نوعیت کی تقریبات نوجوانوں کو میڈیا کے مثبت اور تعمیری استعمال کی جانب راغب کرتی ہیں۔
اختتامی تقریب کے دوران مقابلے میں نمایاں کارکردگی دکھانے والے طلبہ و طالبات میں پرفارمنس بیس سرٹیفکیٹس تقسیم کیے گئے۔
