وزیر اعظم شہباز شریف سابق وزیر اعظم عمران خان کو تنقید کا نشانہ بناتے ہوئے کہا کہ جلاؤ گھیراؤ کرنے اور انتشار پھیلانے والے لوگ مذاکرات کے اہل ہو ہی نہیں سکتے۔ دنیا کی ترقی یافتہ جمہوریتوں میں بھی ایسے لوگوں کا محاسبہ کیا جاتا ہے۔
سماجی رابطہ ویب سائٹ ٹوئٹر پر وزیر اعظم شہباز شریف نے اپنے ٹویٹ میں لکھا کہ مذاکرات سیاسی عمل کا ایک کلیدی جزو ہوتے ہیں، یہی وجہ ہے کہ جمہوریت کے ارتقا میں مذاکرات بہت اہم کردار ادا کرتے ہیں۔
وزیر اعظم نے لکھا کہ تاریخ ایسے سیاسی اور آئینی کامیابیوں سے بھری پڑی ہے کہ جب جمہوریت پسند قائدین مذاکرات کی میز پر بیٹھے ہیں اوران کے درمیان قومی امور پر اتفاق رائے قائم ہوا ہے۔
مزاکرات سیاسی عمل کا کلیدی جزو ہیں جو جمہوریت کے ارتقاء میں اپنا اہم کردار ادا کرتے ہیں. تاریخ ایسے سیاسی اور آئینی کامیابیوں سے بھری پڑی ہے جب سیاسی قائدین مزاکرت کی میز پر بیٹھے اور قومی امور پر اتفاقِ رائے قائم ہوا.
تاہم یہاں ایک بنیادی فرق یہ ہے کہ انتشار اور جلاؤ گھیراؤ…
— Shehbaz Sharif (@CMShehbaz) May 30, 2023
شہباز شریف نے مزید لکھا کہ انتشار اور جلاؤ گھیراؤ پھیلانے والے کچھ لوگ خود کو نام نہاد سیاست دان کہتے ہیں جبکہ وہ سیاست دان کہلوانے کے لائق بھی نہیں ہیں۔
ان کے مطابق ایسے لوگوں کے ساتھ مذاکرات نہیں ہونے چاہیے بلکہ ان کا احتساب ہونا چاہیے جو عسکریت پسندانہ اقدامات کرتے ہیں۔
مزید پڑھیں
انہوں نے لکھا کہ ایسے لوگوں کا احتساب کرنا کوئی معیوب بات نہیں ہے، دنیا کی ترقی یافتہ جمہوریتوں میں بھی ایسے لوگوں کا احتساب کیا جاتا ہے۔