بنگلہ دیش کے 13ویں پارلیمانی انتخابات میں اب تک موصولہ نتائج کے مطابق 7 خواتین امیدوار اپنے اپنے حلقوں میں کامیاب ہو گئی ہیں۔
واضح رہے کہ بنگلہ دیشی اخبار پروتھم آلو نے عبوری نتائج کی بنیاد پر یہ خبر دی ہے۔
اگرچہ انتخابی کمیشن نے ابھی تک سرکاری نتائج کا اعلان نہیں کیا، عبوری اعداد و شمار کے مطابق خواتین نے محدود حصہ ہونے کے باوجود قابل ذکر کامیابی حاصل کی ہے۔
یہ بھی پڑھیںٍ:دارالحکومت ڈھاکہ کا انتخابی معرکہ، کس جماعت کا پلڑا بھاری رہا؟
ان 7 کامیاب امیدواروں میں مانک گنج-3 سے افروزہ خانم ریٹا، سلہٹ-2 سے تھسینا رشدی لونا، ناتور-1 سے فرزانہ شرمین، فریدپور-2 سے شمع عبید اسلام اور فریدپور-3 سے نیاب یوسف احمد شامل ہیں۔
اسی طرح جھالاکاتی-2 سے عشرت سلطانہ ایلن بھٹو اور برہمن باریا-2 سے آزاد امیدوار رومین فرحانہ بھی جیت گئیں۔
جمعرات کے انتخابات میں خواتین امیدواروں کی تعداد بہت محدود تھی۔
مزید پڑھیں: تاریخی انتخابی مرحلہ مکمل، بنگلہ دیش میں بی این پی دو تہائی اکثریت کے قریب
مقامی میڈیا کے مطابق مجموعی طور پر 1,981 امیدواروں میں صرف 78 خواتین شامل تھیں۔
اس کے باوجود 7 خواتین امیدواروں کی کامیابی ایک حوصلہ افزا نتیجہ ہے، جو ظاہر کرتا ہے کہ خواتین اب بھی اپنی موجودگی کا مضبوط تاثر قائم رکھ سکتی ہیں۔
