پاکستان بنگلہ دیش نالج کوریڈور کے تحت علامہ محمد اقبال اسکالرشپس پر منتخب 45 بنگلہ دیشی طلبا کا پہلا دستہ اعلیٰ تعلیم کے لیے کراچی پہنچ گیا۔ جن کا استقبال جناح انٹرنیشنل ایئرپورٹ پر ہائر ایجوکیشن کمیشن اور جامعات کے نمائندوں نے کیا۔
مزید پڑھیں: پاکستان بنگلہ دیش تعلقات میں بہتری، ڈھاکا اور کراچی کے درمیان براہِ راست پروازیں 14 سال بعد بحال
ہائر ایجوکیشن کمیشن کے مطابق مزید طلبا آئندہ ہفتے پاکستان پہنچیں گے۔ ہائر ایجوکیشن کمیشن نے بین الاقوامی طلبہ کو معیاری تعلیم، سازگار تعلیمی ماحول اور مکمل سہولیات کی فراہمی کے عزم کا اعادہ کیا ہے۔ یہ اقدام دونوں برادر ممالک کے درمیان تعلیمی روابط اور عوامی سطح پر تعلقات کے فروغ کی اہم کڑی قرار دیا جا رہا ہے۔
