وزیر دفاع خواجہ آصف نے کہا ہے کہ پی ٹی آئی کی قیادت، رشتے دار اور سوشل میڈیا کے جہادی عمران خان کی رہائی نہیں چاہتے۔
سماجی رابطے کی سائٹ ’ایکس‘ پر ایک بیان میں انہوں نے کہاکہ عمران خان کے اندر ہونے کی وجہ سے ہی ان سب کی دکانداری چل رہی ہے۔
حریک انصاف کے اسوقت حالات ایسے بن گئے ھیں لگتا ھے pti کی قیادت، رشتہ دار اور سوشلُ میڈیا کے جہادی کوئ بھی نہیں چاہتا کہ وہ رہا ھو۔ ان سب کی دکانداری چل رہی ھے ۔ وہ دکانیں بند نہیں ھونے دیں گے ۔ جو حالات ھیں وہ روزانہ tv سارا دن ھو تے ھیں پلے ایک ووٹ نہیں ووٹوں کا مالک اندر ھے۔…
— Khawaja M. Asif (@KhawajaMAsif) February 17, 2026
انہوں نے کہاکہ یہ لوگ کبھی بھی اپنی دکانیں بند نہیں ہونے دیں گے۔
واضح رہے کہ پی ٹی آئی عمران خان کی رہائی کے لیے ملک کے مختلف حصوں میں احتجاج کررہی ہے، جبکہ پارلیمنٹ کے اندر پارلیمنٹیرینز نے دھرنا دے رکھا ہے۔
پی ٹی آئی کا مطالبہ ہے کہ عمران خان کی صحت کے پیش نظر ہمیں بانی تک رسائی دی جائے۔
دوسری جانب سپریم کورٹ کے احکامات پر سرکاری ڈاکٹروں نے اڈیالہ جیل میں عمران خان کا معائنہ کیا، جس کے بعد کہا گیا کہ عمران خان کی بینائی میں بہتری آئی ہے۔
ادھر عمران خان کی بہنوں نے آج پریس کانفرنس کرتے ہوئے دعویٰ کیاکہ عمران خان کی آنکھ ٹھیک نہیں، اور انہوں نے پیغام بھیجا ہے کہ بہنوں کو کہو کہ میرے لیے آواز اٹھائیں۔
مزید پڑھیں: عمران خان نے کہہ کر بھیجا ہے بہنوں کو کہو میرے لیے آواز اٹھائیں، علیمہ خان
عمران خان کی بہن عظمیٰ خان نے انکشاف کیاکہ بانی پی ٹی آئی نے آخری ملاقات میں مجھے بتایا تھا کہ یہ لوگ مجھے مار دیں گے، لیکن تب مجھے یہ بات کرنے کی ہمت نہیں ہوئی۔
